ஈரானில் தொடா் நிலநடுக்கம்

ஈரானின் தெற்கே அமைந்துள்ள கிஷ் தீவில் அடுத்தடுத்து 7 நிலநடுக்கங்கள் புதன்கிழமை ஏற்பட்டதில் ஐக்கிய அமீரகத்தின் துபை உள்ளிட்ட பொ்சிய வளைகுடா பகுதிகள் குலுங்கின.

இவற்றில் 6 நிலநடுக்கங்கள் ரிக்டா் அளவுகோலில் 4 அலகுகளாகவும் ஒரு நிலநடுக்கம் 5.3 அலகுகளாகவும் பதிவானதாக அமெரிக்க புவியியல் ஆய்வு மையம் தெரிவித்தது. இந்த நிலநடுக்கத்தால் சேதங்கள் ஏற்பட்டதாக உடனடி தகவல்கள் இல்லை.