ஓடும் லாரியின் மீது நடனம்! பாலம் மோதி பலியான இளைஞர்
அமெரிக்காவில் ஓடும் லாரியின் மீது இளைஞர் ஒருவர் நடனமாடிச் செல்லும்போது, பாலத்தின் கீழ்ப்புறம் மோதி நிகழ்விடத்திலேயே உயிரிழந்தார்.
அமெரிக்காவின் டெக்சாஸ் மாகாணத்தின் ஹூஸ்டன் நகரில் கண்டெய்னர் லாரி மீது 25 வயதான இளைஞர் ஒருவர் நடனமாடிச் சென்றுள்ளார். இதனை பின்புறம் மற்றொரு வாகனத்தில் வந்த நபர் ஒருவர் விடியோ எடுத்துள்ளார்.
கேளிக்கையாக இளைஞர் செய்த செயல் விபரீதத்தில் முடிந்துள்ளது. காலியான சாலையில் சென்றுக்கொண்டிருந்த கண்டெய்னர் லாரி, பாலத்தின் கீழ் சென்றது.
அப்போது பாலத்தின் கீழ்ப்புறம் மோதியதில் இளைஞர் தூக்கி வீசப்பட்டார். இந்த சம்பவத்தில் நிகழ்விடத்திலேயே இளைஞர் பரிதாபமாக உயிரிழந்தார்.
