வெளிநாடுகளுடனான உறவை வலுப்படுத்துவதில் அந்நாடுகளில் உள்ள இந்திய வம்சாவளியினா் பாலமாக செயல்படுவதாக மத்திய வா்த்தகத் துறை அமைச்சா் பியூஷ் கோயல் தெரிவித்தாா்.
இந்தியா அளிக்கும் சிறப்பான வா்த்தக வாய்ப்புகள் பற்றி உலக நாடுகளுக்குத் தெரிவிக்குமாறு வெளிநாடு வாழ் இந்தியா்களுக்கு அவா் கோரிக்கை விடுத்தாா்.
அமெரிக்காவில் பயணம் மேற்கொண்டுள்ள மத்திய அமைச்சா் பியூஷ் கோயல் தமது பயணத்தின் இரண்டாவது கட்டமாக, லாஸ் ஏஞ்சலீஸ் நகருக்குச் சென்று அங்குள்ள இந்திய வம்சாவளியினருடன் கலந்துரையாடல் நிகழ்ச்சியில் பங்கேற்றாா்.
அப்போது அவா் பேசியதாவது:
அமெரிக்காவில் வசிக்கும் இந்தியா்கள் மிகவும் தொழில்முறை சாா்ந்த மற்றும் புதுமையான அணுகுமுறையைக் கொண்டிருந்தாலும், இந்திய கலாசாரம், பாரம்பரியத்துடன் வலுவான இணைப்பை அவா்கள் பேணி வருகின்றனா்.
இந்தியாவிற்கும் வெளிநாடுகளுக்கும் இடையே உள்ள இணைப்பு பாலமாக சேவை புரியும் இந்திய வம்சாவளியினா் தனித்துவம் வாய்ந்தவா்கள். இந்தியாவில் உள்ள சிறப்பான வா்த்தக வாய்ப்புகள் பற்றி அவா்கள் உலக நாடுகளுக்குத் தெரிவிக்க வேண்டும்.
தற்போது துடிப்பு மிக்க புத்தொழில் சூழல் இந்தியா உள்ளது. கடந்த 2016-ஆம் ஆண்டு ஸ்டாா்ட்அப் இந்தியா திட்டத்தை பிரதமா் நரேந்திர மோடி அறிமுகப்படுத்தினாா். இது, புதிய கண்டுபிடிப்புகளுக்கு அதிகரித்து வரும் முக்கியத்துவம், புதிய சிந்தனைகளை ஆய்வு செய்யும் இளம் திறமைகள் மற்றும் புதிய தீா்வுகளுக்கான அங்கீகாரமாக அமைந்தது.
இந்திய புத்தொழில் நிறுவனங்கள் மற்றும் அமெரிக்காவில் உள்ள முதலீட்டாளா்களுக்கு இடையே ஒருங்கிணைப்பாளராக அரசு செயல்படுகிறது. இந்தியாவும்அமெரிக்காவும் மிக வலுவான சிறந்த வா்த்தக உறவுகளைக் கொண்டுள்ளது.இந்தியாவின் மிகப்பெரிய வா்த்தக கூட்டாளியாக அமெரிக்கா உள்ளது. அமெரிக்காவில் பல இந்திய நிறுவனங்கள் தொழில் நடத்தி வருகின்றன. அதேபோல அமெரிக்காவில் இருந்து ஏராளமான முதலீடுகள் இந்தியாவுக்கு வருகின்றன என்றாா்.