பாகிஸ்தான் முன்னாள் பிரதமா் இம்ரான் கானுக்கு இரு வாரங்கள் ஜாமீன் அளித்து இஸ்லாமாபாத் உயா்நீதிமன்றம் வெள்ளிக்கிழமை உத்தரவிட்டது.
கடந்த செவ்வாய்க்கிழமைக்கு பின்னா் பதிவு செய்யப்பட்ட அல்லது பதிவு செய்யப்படும் எந்த வழக்கிலும் அவரை மே 17-ஆம் தேதி வரை கைது செய்யக் கூடாது எனவும் உயா்நீதிமன்ற சிறப்பு அமா்வு தனது உத்தரவில் குறிப்பிட்டுள்ளது.
அல்-காதிா் அறக்கட்டளை ஊழல் வழக்கில், தெஹ்ரீக்-ஏ-இன்சாஃப் கட்சித் தலைவரும் முன்னாள் பிரதமருமான இம்ரான் கானை இஸ்லாமாபாத் உயா்நீதிமன்ற வளாகத்தில் தேசிய ஊழல் தடுப்பு அமைப்பினா் கடந்த செவ்வாய்க்கிழமை கைது செய்தனா். அவரை கைது செய்தது சட்டவிரோதம் எனக் கூறி, அவரை விடுவிக்க உச்சநீதிமன்றம் கடந்த வியாழக்கிழமை உத்தரவிட்டது.
இந்நிலையில், அல்-காதிா் அறக்கட்டளை ஊழல் வழக்கு இஸ்லாமாபாத் உயா்நீதிமன்றத்தில் நீதிபதிகள் மியான்குல் ஹசன் ஒளரங்கசீப், சமன் ரஃபத் இம்தியாஸ் ஆகியோா் கொண்ட சிறப்பு அமா்வு முன் வெள்ளிக்கிழமை விசாரணைக்கு வந்தது. அப்போது, இம்ரான் கானுக்கு இரு வாரங்கள் ஜாமீன் அளித்து நீதிபதிகள் உத்தரவிட்டனா். மேலும், மே 9-ஆம் தேதிக்கு பிந்தைய வழக்குகளில் அவரை மே 17-ஆம் தேதி வரை கைது செய்யக் கூடாது எனவும், அவருக்கு முழுமையான பாதுகாப்பு வழங்க வேண்டும் எனவும் உத்தரவிட்டனா்.
லாகூரில் இம்ரான் கானை கைது செய்வதற்காக கடந்த மாா்ச் மாதம் காவல் துறையினா் அவரது வீட்டுக்குச் சென்றபோது நடந்த மோதலில் தெஹ்ரீக்-ஏ-இன்சாஃப் கட்சித் தொண்டா் ஒருவா் கொலை செய்யப்பட்டாா். இந்த வழக்கை விசாரித்த இஸ்லாமாபாத் உயா்நீதிமன்ற நீதிபதி தாரிக் மஹ்மூத் ஜஹாங்கிரி, இம்ரான் கானுக்கு மே 22-ஆம் தேதி வரை ஜாமீன் அளிக்கப்பட்டிருப்பதை ஏற்றுக்கொண்டாா்.
முன்னதாக, பலத்த பாதுகாப்புக்கு மத்தியில் இம்ரான் கான் நீதிமன்றத்துக்கு வந்தாா். பாதுகாப்புக் காரணங்களால் வழக்கு விசாரணை சுமாா் இரண்டு மணி நேரம் தாமதமானது. நீதிமன்ற அறையில் வழக்குரைஞா் ஒருவா், இம்ரான் கானுக்கு ஆதரவாக முழக்கம் எழுப்பியதால் அதிருப்தியடைந்த இரு நீதிபதிகளும் அறையிலிருந்து வெளியேறினா்; வெள்ளிக்கிழமை தொழுகைக்குப் பின்னா் விசாரணை தொடங்கும் எனவும் அவா்கள் அறிவித்தனா்.
பின்னா், விசாரணைக்கு இடையே கிடைத்த இடைவெளியில் செய்தியாளா்களிடம் பேசிய இம்ரான் கான், தனது ஜாமீன் மனு நிராகரிக்கப்பட்டால் அதற்கு எதிா்ப்பு தெரிவிக்க மாட்டேன் என்றாா்.
‘செல்லப் பிள்ளை’ இம்ரான் கான்...
இம்ரான் கானை விடுவிக்க உச்சநீதிமன்றம் உத்தரவிட்டது குறித்து பிரதமா் ஷாபாஸ் ஷெரீஃப் அதிருப்தி தெரிவித்துள்ளாா். வெள்ளிக்கிழமை நடைபெற்ற மத்திய அமைச்சரவைக் கூட்டத்தில் பேசிய அவா், தங்களது ‘செல்லப் பிள்ளை’ இம்ரான் கான் வியாழக்கிழமை உச்சநீதிமன்றத்தில் ஆஜரானபோது, அவரைப் பாா்த்ததில் மகிழ்ச்சி என தலைமை நீதிபதி கூறினாா். ஓா் ஊழல் வழக்கில் ஆஜரானவரைப் பாா்த்து தலைமை நீதிபதி இவ்வாறு கூறியுள்ளாா். இந்த இரட்டை நிலைப்பாடு பாகிஸ்தானின் நீதித் துறையின் மரணத்துக்கு வழிவகுத்துவிடும்.
அவருக்கு (இம்ரான் கான்) சாதகமாக தொடா்ந்து நடந்துகொள்ள விரும்பினால், நாட்டில் சிறையில் இருக்கும் அனைத்துக் கொள்ளையா்களையும் விடுவிக்க வேண்டும்.
இம்ரான் கானும் அவரது கட்சியும் பொய்யா்கள். ஏற்கெனவே பொருளாதாரச் சீா்குலைவால் பாதிக்கப்பட்ட நாட்டை எதிா்க்கட்சிகள் அழிவை நோக்கித் தள்ளுகின்றன என்றாா்.
பாகிஸ்தானில் கடந்த 2018-ஆம் ஆண்டு நடைபெற்ற பொதுத் தோ்தலுக்குப் பிறகு, இம்ரான் கான் தலைமையில் கூட்டணி அரசு அமைந்தது. கடந்த ஆண்டு ஏப்ரல் மாதம் நாடாளுமன்றத்தில் கொண்டுவரப்பட்ட நம்பிக்கையில்லா வாக்கெடுப்பில் இம்ரான் கான் தோல்வியடைந்து, பிரதமா் பதவியை இழந்தாா்.
அதற்குப் பிறகு, நாடு முழுவதும் ஊழல் முதல் தேசத் துரோகம், பயங்கரவாதம் வரை 120-க்கும் மேற்பட்ட வழக்குகள் இம்ரான் கான் மீது தொடரப்பட்டுள்ளன.
அந்த வழக்குகளில் ஒன்றான அல்-காதிா் அறக்கட்டளை வழக்கில், சட்டவிரோத நில விற்பனை மூலம் ரூ.5,000 கோடி அரசுப் பணத்தை அவா் பெற்றுக் கொண்டதாகக் குற்றம் சாட்டப்பட்டுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.