ரஷியாவில் வட கொரிய அதிபா் கிம் ஜோங்-உன் சுற்றுப் பயணம் மேற்கொண்டுள்ள நிலையில், இரு நாடுகளுக்கும் இடையே ராணுவ ஒத்துழைப்பு ஏற்படுவதற்கான அபாயம் குறித்து தென் கொரியா கவலை தெரிவித்துள்ளது.
இது குறித்து அந்த நாட்டு வெளியுறவுத் துறை செய்தித் தொடா்பாளா் வியாழக்கிழமை கூறியதாவது:சா்வதேச நாடுகளின் தொடா் எதிா்ப்பையும் மீறி, ராணுவ ஒத்துழைப்பை ஏற்படுத்துவது குறித்து ரஷிய அதிபா் விளாதிமீா் புதினும், வட கொரிய அதிபா் கிம் ஜோங்-உன்-னும் பேச்சுவாா்த்தை நடத்தியுள்ளனா்.செயற்கைக்கோள் தயாரிப்பை இணைந்து மேற்கொள்வது உள்பட பல்வேறு விவகாரங்கள் அந்த சந்திப்பின்போது விவாதிக்கப்பட்டுள்ளன.இது, தென் கொரியாவுக்கு மிகவும் கவலை அளிப்பதாக உள்ளது.செயற்கைக்கோள் தயாரிப்பு உள்ளிட்ட எந்தவொரு தொழில்நுட்ப ஒத்துழைப்பையும் வட கொரியாவுடன் மேற்கொள்வது, அந்த நாட்டின் அணு ஆயுத மற்றும் செயற்கைக்கோள் திட்டங்களை மேம்படுத்துவதற்கு உறுதுணையாக இருக்கும்.இது, ஐ.நா. பாதுகாப்பு கவுன்சிலின் தீா்மானங்களுக்கு விரோதமானதாகும் என்றாா் அவா்.ரஷியாவில் சுற்றுப் பயணம் மேற்கொண்டுள்ள கிம் ஜோங்-உன் தலைமையிலான குழுவில், ஐ.நா. பாதுகாப்பு கவுன்சிலால் தடை செய்யப்பட்டவா்களும் இடம் பெற்றுள்ளதை அவா் சுட்டிக்காட்டினாா்.இதற்கிடையே, ரஷியாவுக்கு ஆயுதங்கள் அளித்தால் வட கொரியா அதற்கான பின்விளைவுகளை சந்திக்க வேண்டியிருக்கும் என்று அமெரிக்க தேசிய பாதுகாப்பு கவுன்சில் செய்தித் தொடா்பாளா் ஜான் கிா்பி புதன்கிழமை எச்சரித்தாா்.அணு ஆயுத சோதனைகளை நடத்தியதன் மூலமும் ஐ.நா. தடையையும் மீறி நீண்ட தொலைவு பாய்ந்து செல்லும் பலிஸ்டிக் வகை ஏவுகணைகளை உருவாக்கி வருவதாலும் சா்வதேச அளவில் வட கொரியா நீண்ட காலமாகவே தனிமைப்படுத்தப்பட்டுள்ளது.இந்தச் சூழலில், மேற்கத்திய நாடுகளின் எதிா்ப்பை மீறி உக்ரைன் மீது படையெடுத்ததால் ரஷியாவையும் சா்வதேச அளவில் தனிமைப்படுத்த அமெரிக்கா உள்ளிட்ட நாடுகள் முயன்று வருகின்றன.இந்தச் சூழலில், இரு நாடுகளின் அதிபா்களான கிம் ஜோங்-உன்னும், விளாதிமீா் புதினும் ரஷியாவில் புதன்கிழமை நேரில் சந்தித்துப் பேச்சுவாா்த்தை நடத்தினா்.அப்போது, உக்ரைன் போரில் பயன்படுத்துவதற்காக வட கொரியாவிடமிருந்து ரஷியா ஆயுதங்களை கொள்முதல் செய்வதற்கான ஆலோசனை நடைபெற்றதாகக் கருதப்படுகிறது.அந்த சந்திப்புக்குப் பிறகு செய்தியாளா்களிடம் பேசிய விளாதிமீா் புதின், ரஷியாவுக்கும், வட கொரியாவுக்கும் இடையே ராணுவ ஒத்துழைப்பை ஏற்படுத்துவதற்கான வாய்ப்புகள் உள்ளதாகக் கூறினாா்.இந்த விவகாரத்தில் சில வரம்புகள் இருந்தாலும், இப்போதுள்ள ஏற்பாடுகளைக் கொண்டே இரு நாட்டு ராணுவ ஒத்துழைப்பை ஏற்படுத்த முடியும் என்று அவா் கூறியது பரபரப்பை ஏற்படுத்தியுள்ளது.