துருக்கி தோ்தலில் முறைகேடு: எதிா்க்கட்சித் தலைவா்

துருக்கியில் ஞாயிற்றுக்கிழமை நடைபெற்ற அதிபா் தோ்தலின் இரண்டாவது கட்ட வாக்குப் பதிவில் முறைகேடுகள் நடைபெற்ாக எதிா்க்கட்சி கூட்டணி வேட்பாளா் கெமால் கிளிச்தரோக்லு குற்றம் சாட்டினாா்.

இது குறித்து அவா் கூறியதாவது:

இந்தத் தோ்தலில் எனக்கு எதிராக அனைத்து அரசு இயந்திரங்களையும் எா்டோகன் முடக்கிவிட்டாா்.

அந்த வகையில், அண்மைக் காலத்தில் நடந்ததிலேயே மிகவும் நியாயமற்று நடைபெற்றுள்ள முறைகேடான தோ்தல் இதுவாகும் என்றாா் அவா். மேலும், அதிபா் தோ்தல் தோல்வியை வெளிப்படையாக ஏற்பதை அவா் தவிா்த்துவிட்டாா்.

சா்வதேச பாா்வையாளா்கள் திங்கள்கிழமை கூறுகையில், ஊடங்களைப் பயன்படுத்தி கிளிச்தரோக்லுவுக்கு எதிரான ஒருதலைப்பட்சமான கருத்தை எா்டோகன் உருவாக்கியதாக குற்றம் சாட்டினா்.

மேலும், தோ்தலின்போது பேச்சு சுதந்திரத்தை எா்டோகன் அரசு நசுக்கியதாகவும் அவா்கள் கூறினா்.

துருக்கி அதிபா் தோ்தல் மற்றும் நாடாளுமன்றத் தோ்தல் கடந்த 14-ஆம் தேதி நடைபெற்றது. அந்நாட்டில் கடந்த பிப்ரவரியில் ஏற்பட்ட பயங்கர நிலநடுக்கத்தின்போது அரசின் நிவாரணப் பணிகள் மந்தநிலையில் நடைபெற்ாக எழுந்த அதிருப்தியின் காரணமாக எா்டோகனுக்கு வெறும் 35.3 சதவீத வாக்குகளே கிடைக்கும் என கருத்துக் கணிப்புகள் வெளியாகின.

தோ்தல் முடிவுகள் வெளியானபோது கணிப்புகளைப் பொய்யாக்கி அதிபா் எா்டோகன் 49.5 சதவீத வாக்குகளைப் பெற்றாா். துருக்கி அரசியலமைப்புச் சட்டப்படி, 50 சதவீத வாக்குகள் பெற்றால்தான் அதிபராக முடியும் என்பதால், 2-ஆம் கட்ட தோ்தல் ஞாயிற்றுக்கிழமை நடத்தப்பட்டது.

இதில் சுமாா் 52.18 சதவீத வாக்குகளைப் பெற்று எா்டோகன் வெற்றி பெற்றாா். கிளிச்தரோக்லுவுக்கு 47.82 சதவீத வாக்குகள் கிடைத்தன.

அதையடுத்து, நாட்டின் அதிபராக அவா் மீண்டும் பொறுப்பேற்கவுள்ளாா்.