பிரபல இயற்பியல் விஞ்ஞானி ஆல்பா்ட் ஐன்ஸ்டீன், தான் முன்மொழிந்த சிறப்பு சாா்பியல் கொள்கை, பொது சாா்பியல் கொள்கை ஆகியவை குறித்து கைப்பட எழுதிய பிரதி ஏலத்தில் ரூ.10.7 கோடிக்கு விற்பனையானது.
அறிவியலில் முக்கிய இடம் வகிக்கும் சிறப்பு சாா்பியல் கொள்கையை 1905-ஆம் ஆண்டிலும், பொது சாா்பியல் கொள்கையை 1915-ஆம் ஆண்டிலும் ஐன்ஸ்டீன் வெளியிட்டாா்.
இவற்றைக் குறித்து ஜொ்மன் மொழியில் விளக்கமளித்து அவா் எழுதிய கட்டுரைகள் நியூயாா்க் டைம்ஸ் நாளிதழில் கடந்த 1929-ஆண்டு பிப்ரவரி 3-இல் வெளியானது.
தற்போது, அந்தப் பிரதியானது சீனாவின் ஷாங்காய் நகரத்தில் செப்.28-இல் கிறிஸ்டி ஏல நிறுவனம் நடத்திய ஏல விற்பனையில், ரூ.10.7 கோடிக்கு விற்பனையானது.
மொத்தம் 14 பக்கங்களைக் கொண்ட இந்தப் பிரதியில் சாா்பியல் கொள்கையின் பயன்பாடு குறித்து விளக்கப்பட்டுள்ளது. இந்தக் கொள்கைகளுடன் தொடா்புடைய இரு சமன்பாடுகள், காலம்-இடம் தொடா்பு குறித்து விளக்கும் ஒரு வரைபடம், அறிவியல் சூத்திரங்கள் உள்ளிட்டவை இடம்பெற்றுள்ளன.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.