மகளிர் இடஒதுக்கீட்டுக்கு ஆதரவு; தொகுதி மறுவரையறைக்கு எதிர்ப்பு! - ராகுல்தொகுதி மறுசீரமைப்புக்கு எதிர்ப்பு: தனிப்பட்ட இயக்கத்தின் போராட்டம் அல்ல; தமிழ்நாட்டின் போராட்டம் - மு.க. ஸ்டாலின்பாக். மூலம் அமெரிக்காவுடன் தொடரும் பேச்சு! - ஈரான் அரசு அறிவிப்பு!அதிமுக அரசின் ஏதாவது ஒரு சாதனையைக் கூறி பழனிசாமியால் ஓட்டு கேட்க முடியுமா? மு.க. ஸ்டாலின்தேர்தல் முக்கியமல்ல, சுயமரியாதையே முக்கியம் : மு.க. ஸ்டாலின் உ.பி.யில் 17 வயது சிறுமிக்கு கூட்டுப் பாலியல் வன்கொடுமை! தூக்கிட்டுத் தற்கொலை!சிபிஎஸ்இ 10-ஆம் வகுப்புப் பொதுத் தேர்வு முடிவுகள் வெளியீடுமீஞ்சூரில் மாணவியிடம் பாலியல் அத்துமீறல்! அரிவாளால் வெட்டிய இளைஞர்கள்! திமுக தோற்க வேண்டும் என ராகுல் நினைக்கிறார்: அண்ணாமலை பேச்சுதொகுதி மறுவரையறை! தமிழ்நாட்டில் நாளை கருப்புக் கொடிப் போராட்டம்! - மு.க. ஸ்டாலின் அறிவிப்பு
/

சுனிதா வில்லியம்ஸின் விண்வெளிப் பயணம் ரத்து!

சுனிதா வில்லியம்ஸின் விண்வெளிப் பயணம் கடைசி நிமிடங்களில் ரத்து

News image

படம் | ஏபி

Updated On :2 ஜூன் 2024, 2:42 am

அமெரிக்காவின் தனியாா் நிறுவனமான போயிங் உருவாக்கியுள்ள ‘ஸ்டாா்லைனா்’ விண்கலத்தில் இந்திய வம்சாவளியைச் சோ்ந்த அமெரிக்க விண்வெளி வீராங்கனை சுனிதா வில்லியம்ஸ் சா்வதேச விண்வெளி நிலையத்துக்கு செல்ல திட்டமிடப்பட்டிருந்தது.

இந்த விண்வெளி ஓடத்தை சுனிதா வில்லியம்ஸ் இயக்குவாா். அவருடன் மற்றொரு நாசா விண்வெளி வீரா் பட்ச் வில்மோரும் விண்வெளி செல்ல திட்டமிடப்பட்டிருந்தது.

ஸ்டார்லைனர் விண்கலம் அமெரிக்காவின் கென்னடி விண்வெளி மையத்திலிருந்து புறப்படத் தயாராக இருந்த நிலையில், சுனிதா வில்லியம்ஸின் விண்வெளிப் பயணம் கடைசி நிமிடங்களில் ரத்து செய்யப்பட்டுள்ளது.

இதற்கான ஆயத்தப் பணிகள் அனைத்தும் மேற்கொள்ளப்பட்டுவந்த நிலையில், இறுதிக்கட்டத்தில், அதாவது விண்கலம் கவுண்ட்டவுன் ஆரம்பிக்கப்பட்டு,3 நிமிட 50வது விநாடியில் பயணம் ரத்து செய்யப்படுள்ளது.

விண்கலத்தை ஏவக்கூடிய இயந்திரங்களின் தானியங்கி செயல்பாட்டில் ஏற்பட்டுள்ள தொழில்நுட்பக் கோளாறால் விண்வெளிப் பயணம் கடைசி நிமிடங்களில் ரத்து செய்யப்பட்டுள்ளதாக நாசா தெரிவித்துள்ளது.

இதையடுத்து, தொழில்நுட்பக் கோளாறுகள் சரிசெய்யப்பட்ட பின், அடுத்தகட்டமாக மீண்டும் ஞாயிற்றுக்கிழமை(ஜூன் 2) இரவு 9.33 மணிக்கு போயிங் ‘ஸ்டாா்லைனா்’ விண்கலத்தில் அவர்கள் இருவரும் பயணப்படுவார்கள் எனத் தெரிவிக்கப்பட்டுள்ளது.

ஒருவேளை, இந்த முயற்சியும் தோல்வியுற்றால் ஜூன் 5 அல்லது ஜூன் 6-ஆம் தேதியில் ‘ஸ்டாா்லைனா்’ விண்கலத்தில் அவர்கள் இருவரையும் விண்ணில் செலுத்த முடிவு செய்யப்பட்டுள்ளதாக நாசா விண்வெளி ஆய்வு அமைப்பு தெரிவித்துள்ளது.

இந்தச் சோதனை வெற்றியடைந்தால், ஸ்பேஸ் எக்ஸுக்கு அடுத்தபடியாக சா்வதேச விண்வெளி நிலையத்துக்கு ஆள்களை அனுப்பக்கூடிய 2-ஆவது தனியாா் நிறுவனம் என்ற பெருமையை போயிங் பெறும்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.