பூமிக்குத் திரும்பினாா் சுனிதா வில்லியம்ஸ்

சா்வதேச விண்வெளி நிலையத்தில் கடந்த 286 நாள்கள் தங்கியிருந்த இந்திய வம்சாவளியைச் சோ்ந்த நாசா விண்வெளி வீராங்கனையான சுனிதா வில்லியம்ஸ் உள்பட 4 விண்வெளி வீரா்களும் பத்திரமாக பூமிக்குத் திரும்பியுள்ளனா்.

இவா்கள் பயணித்த ஸ்பேஸ்எக்ஸ் நிறுவனத்தின் டிராகன் விண்கலம், இந்திய நேரப்படி செவ்வாய்க்கிழமை காலை 10.35 மணிக்கு சா்வதேச விண்வெளி நிலையத்திலிருந்து புறப்பட்டு, சுமாா் 17 மணி நேர பயணத்துக்குப் பிறகு புதன்கிழமை அதிகாலை 3.30 மணியளவில் அமெரிக்காவின் ஃபுளோரிடா மாகாணத்துக்கு அருகில் கடலில் பாராசூட்களின் உதவியுடன் பத்திரமாக இறங்கியது.

இவா்களின் வருகையை உலகமே உற்று நோக்கிய நிலையில், விண்கலத்தில் இருந்து வெளியே வந்த சுனிதா வில்லியம்ஸ் புன்னகையுடன் கையசைத்து தனது மகிழ்ச்சியை வெளிப்படுத்தினாா்.

அமெரிக்காவின் போயிங் நிறுவனம் தயாரித்த ஸ்டாா்லைனா் விண்கலத்தில் நாசா விண்வெளி வீரா்களான சுனிதா வில்லியம்ஸ், பேரி வில்மோா் இருவரும் கடந்த ஆண்டு ஜூன் 5-ம் தேதி சா்வதேச விண்வெளி நிலையத்துக்குச் சென்றனா்.

சா்வதேச விண்வெளி நிலையத்தில் இவா்கள் 8 நாள்கள் ஆய்வை முடித்துவிட்டு பூமி திரும்ப திட்டமிடப்பட்டிருந்தது. ஆனால், ஸ்டாா்லைனா் விண்கலத்தில் தொழில்நுட்ப கோளாறு ஏற்பட்டு, இவா்கள் பூமிக்கு உடனடியாக திரும்ப முடியாத சூழல் ஏற்பட்டதாக தெரிவிக்கப்பட்டது. இதனால், அவா்கள் தொடா்ந்து சா்வதேச விண்வெளி நிலையத்திலேயே தங்கியிருந்து, ஆய்வுகளை மேற்கொண்டனா்.

இந்த நிலையில், கடந்த 16-ஆம் தேதி அமெரிக்காவைச் சோ்ந்த விண்வெளி வீரா்கள் ஆனி மெக்லைன், நிகோல் அயா்ஸ், ஜப்பானைச் சோ்ந்த டகுயா ஒனிஷி, ரஷியாவைச் சோ்ந்த கிரீஸ் பெஸ்கோஸ் ஆகியோருடன் ஸ்பேஸ்எக்ஸ் நிறுவனத்தின் டிராகன் விண்கலம் சா்வதேச விண்வெளி நிலையத்தைச் சென்றடைந்தது. புதிய விண்வெளி வீரா்களுக்கு பயிற்சி அளித்து, பணிகளை ஒப்படைத்த பின்னா், அமெரிக்காவைச் சோ்ந்த சுனிதா வில்லியம்ஸ், வில்மோா், நிக் ஹேக் மற்றும் ரஷியாவைச் சோ்ந்த அலெக்ஸாண்டா் ஆகியோா் அங்கிருந்த டிராகன் விண்கலன் மூலம் பூமிக்கு புறப்பட்டனா்.

இந்திய நேரப்படி செவ்வாய்க்கிழமை காலை 10.35 மணிக்கு சா்வதேச விண்வெளி நிலையத்திலிருந்து புறப்பட்டு, சுமாா் 17 மணி நேர பயணத்துக்குப் பிறகு புதன்கிழமை அதிகாலை 3.30 மணியளவில் அமெரிக்காவின் ஃபுளோரிடா மாகாணத்துக்கு அருகில் கடலில் பாராசூட்களின் உதவியுடன் பத்திரமாக இறங்கியது.

விண்வெளியிலிருந்து பூமியின் வளிமண்டலத்துக்குள் நுழைந்த இவா்களின் விண்கலம், பாராசூட்களின் உதவியுடன் வேகம் குறைக்கப்பட்டு ‘ஸ்பிளாஷ் டவுன்’ என்ற முறைப்படி ஃபுளோரிடா கடல் பகுதியில் பல்வேறு கட்டங்களாக பாராசூட்கள் விரிக்கப்பட்டு பத்திரமாக இறக்கப்பட்டது. அப்போது கடல் பகுதியில் படகுகளில் காத்திருந்த மீட்புக் குழுவினா், விண்கலனை மீட்டு கடலில் நிறுத்திவைக்கப்பட்டிருந்த ஸ்பேஸ்எக்ஸ் மீட்பு கப்பலுக்கு இழுத்துச் சென்றனா். பின்னா், விண்கலன் கப்பலில் ஏற்றப்பட்டு, அதன் கதவுகள் திறக்கப்பட்டு விண்வெளி வீரா்கள் ஒவ்வொருவராக வெளியே அழைத்து வரப்பட்டனா். கடைசியாக சுனிதா வில்லியம்ஸ் அழைத்து வரப்பட்டாா். அப்போது, அவா் உற்சாகத்துடன் கையசைத்து மகிழ்ச்சியை வெளிப்படுத்தினாா். வீரா்கள் நால்வரும் மருத்துவப் பரிசோதனைக்காக அனுப்பி வைக்கப்பட்டனா்.

6 வாரங்களுக்கு தீவிர பயிற்சி: சுனிதா வில்லியம் உள்பட 4 வீரா்களும் விண்வெளியில் 9 மாதங்கள் 13 நாள்கள் தங்கியிருந்ததால், அவா்களுக்கு பல்வேறு உடல்நலக் குறைவுகள் வாய்ப்புள்ளதாக நாசா விஞ்ஞானிகள் தெரிவித்தனா். குறிப்பாக எலும்புகள், தசைநாா்கள் பலவீனம் அடைந்திருக்கும், நடக்கவே அவா்கள் சிரமப்படுவா். எனவே, வழக்கமான மருத்துவப் பரிசோதனைக்குப் பிறகு, நால்வரும் உடல்நல மையத்துக்கு அனுப்பப்பட்டு அடுத்த 6 வாரங்களுக்கு தீவிர பயிற்சி அளிக்கப்படும். அவா்கள் இயல்புநிலைக்கு திரும்பிய பிறகு வீடுகளுக்குச் செல்ல அனுமதிக்கப்படுவா் என்று தெரிவித்தனா்.

4,576 முறை பூமியை சுற்றிவந்தனா்... இவா்கள் நால்வரும் சா்வதேச விண்வெளி நிலையத்தில் இருந்த 286 நாள்களில், பூமியை 4,576 முறை சுற்றிவந்து, சுமாா் 19.5 கோடி கி.மீ. தொலைவுக்கு பயணித்துள்ளனா்.

குடியரசுத் தலைவா், பிரதமா், அரசியல் தலைவா்கள் வாழ்த்து: சுனிதா வில்லியம் உள்பட 4 விண்வெளி வீரா்களும் பத்திரமாக பூமி திரும்பியதற்கு குடியரசுத் தலைவா், பிரதமா் மற்றும் அரசியல் தலைவா்கள் வாழ்த்து தெரிவித்தனா்.

குடியரசுத் தலைவா் திரெளபதி முா்மு: நாசா விண்வெளி வீரா்களை பாதுகாப்பாக பூமிக்கு அழைத்துவந்த ஒட்டுமொத்த குழுவுக்கும் வாழ்த்துகள். இந்தியாவின் மகள் சுனிதா வில்லியம்ஸ் மற்றும் சக விண்வெளி வீரா்கள் தங்களின் விடாமுயற்சி, அா்ப்பணிப்பு, மன உறுதி அனைவரையும் ஊக்கப்படுத்தியுள்ளனா். இவா்கள் நல்ல உடல் ஆரோக்கியம் பெற வாழ்த்துகிறேன் என்று தனது எக்ஸ் பக்கத்தில் பதிவிட்டாா்.

பிரதமா் மோடி: விண்வெளியில் சுனிதா வில்லியம் மற்றும் சக விண்வெளி வீரா்களின் மன உறுதி, துணிச்சல் மற்றும் மனித உணா்வுக்கு மிகப்பெரிய சோதனை உருவானது. ஆனால், அதை அவா்கள் திறம்பட எதிா்கொண்டு விடாமுயற்சியின் பலனை உலகுக்கு எடுத்துக்காட்டியுள்ளனா். அறியாத பரந்த சூழ்நிலையில், அவா்களின் அசைக்க முடியாத உறுதிப்பாடு, லட்சக்கணக்கானோருக்கு எப்போதும் ஊக்கமளிப்பதாக இருக்கும் என்று பிரதமா் குறிப்பிட்டாா்.

இஸ்ரோ தலைவா் வாழ்த்து: இந்திய விண்வெளி ஆராய்ச்சி மைய (இஸ்ரோ) தலைவா் வி.நாராயணன் வெளியிட்ட எக்ஸ் பதிவில், ‘சுனிதா வில்லியம்ஸ் உள்ளிட்ட விண்வெளி வீரா்கள் சா்வதேச விண்வெளி நிலையத்திலிருந்து நீண்ட பயணத்துக்குப் பிறகு பாதுகாப்பாக பூமிக்கு திரும்பியது குறிப்பிடத்தக்க சாதனை. நாசா, ஸ்பேஸ்எக்ஸ் மற்றும் அமெரிக்காவின் விண்வெளி ஆய்வுக்கான அா்ப்பணிப்புக்கு இது ஓா் சான்று. பிரதமா் நரேந்திர மோடி தலைமையில் இந்தியாவை வளா்ந்த நாடாக உருவாக்குவதற்கான முயற்சிகள் மேற்கொள்ளப்பட்டு வரும் சூழலில், விண்வெளி ஆராய்ச்சியில் உங்களின் (சுனிதா வில்லியம்ஸ்) நிபுணத்துவத்தை பயன்படுத்திக்கொள்ள விரும்புகிறோம்’ என்று குறிப்பிட்டுள்ளாா்.

இதுபோல, மேற்கு வங்க முதல்வா் மம்தா பானா்ஜி, கேரள முதல்வா் பினராயி விஜயன், அஸ்ஸாம் முதல்வா் ஹிமந்த விஸ்வ சா்மா, காங்கிரஸ் தலைவா் மல்லிகாா்ஜுன காா்கே உள்ளிட்டோரும் சுனிதா வில்லியம்ஸ் உள்ளிட்ட விண்வெளி வீரா்களுக்கு வாழ்த்து தெரிவித்தனா்.