மதுரை
மதுரை கிழக்கு வட்டத்தில் மே 24-இல் ஜமாபந்தி துவக்கம்
மதுரை கிழக்கு வட்டத்துக்கு உள்பட்ட 7 வருவாய் உள்வட்டங்களுக்கான ஜமாபந்தி மே 24 முதல் ஜூன் 2 ஆம் தேதி வரை நடைபெறுகிறது.
மதுரை கிழக்கு வட்டத்துக்கு உள்பட்ட 7 வருவாய் உள்வட்டங்களுக்கான ஜமாபந்தி மே 24 முதல் ஜூன் 2 ஆம் தேதி வரை நடைபெறுகிறது.
கிழக்கு வட்டத்துக்கான ஜமாபந்தி அலுவலரான மாவட்ட வழங்கல் அலுவலர் ஆர். ஜீவா தலைமையில், பொதுமக்களிடமிருந்து மனுக்கள் பெறப்படும். அந்தந்த உள்வட்டத்துக்குரிய நாள்களில் பட்டா மாறுதல், உதவித்தொகை உள்ளிட்ட கோரிக்கைகள் தொடர்பான மனுக்களை பொதுமக்கள் அளிக்கலாம்.
ஜமாபந்தி நடைபெறும் தேதி, உள்வட்டம் விவரம்: மே 24 - அரும்பனூர், மே 25- சக்கிமங்கலம், மே 26 - ஒத்தக்கடை, மே 30 - ராஜாக்கூர், மே 31 - கள்ளந்திரி, ஜூன் 1 - குன்னத்தூர், ஜூன் 2 - அப்பன்திருப்பதி. இத்தகவலை, மதுரை கிழக்கு வட்டாட்சியர் ச. கருப்பையா தெரிவித்துள்ளார்.