இன்றிரவு 7 மணிக்கு ஒரு வித்தியாசமான நிகழ்ச்சியை தொலைக்காட்சியில் காணப்போகிறீர்கள்.
ராஜஸ்தான் ராயல்ஸ் ஐபிஎல் அணிக்கான கேப்டன் அறிவிக்கப்படுகிறார். இந்த நிகழ்வு ஸ்டார் ஸ்போர்ட்ஸ் தொலைக்காட்சியில் நேரலையாக ஒளிபரப்பாகவுள்ளது.
ஐபிஎல் வரலாற்றில் ஓர் அணியின் கேப்டனை இதுபோன்ற ஒரு நேரலை நிகழ்ச்சியில் அறிவித்தது கிடையாது. அடுத்ததாக மார்ச் 4 அன்று கொல்கத்தா அணியும் தனது கேப்டனை இதுபோன்ற தொலைக்காட்சி நேரலை நிகழ்ச்சி மூலம் அறிவிக்கவுள்ளது. எனவே இதன்மூலமாகப் புதிய நடைமுறையை இரு அணிகளும் உருவாக்கியுள்ளன.
ஆஸ்திரேலிய கேப்டனான ஸ்டீவ் ஸ்மித், ராஜஸ்தான் ராயல்ஸ் அணியின் கேப்டனாகத் தேர்வு செய்யப்படுவார் என்கிற எதிர்பார்ப்பு நிலவுகிறது.
கடந்த மாதம் நடைபெற்ற ஐபிஎல் ஏலத்தில் இங்கிலாந்தைச் சேர்ந்த ஆல் ரவுண்டர் பென் ஸ்டோக்ஸை ரூ. 12.5 கோடிக்கு ராஜஸ்தான் ராயல்ஸ் அணி ஏலம் எடுத்தது.
ராஜஸ்தான் அணிக்கு அதிக விலைக்குத் தேர்வான வீரர்கள்
ஸ்டீவ் ஸ்மித் - ரூ. 12.50 கோடி
பென் ஸ்டோக்ஸ் - ரூ. 12.50 கோடி
உனாட்கட் - ரூ. 11.50 கோடி
சஞ்சு சாம்சன் - ரூ. 8 கோடி
ஜோஃப்ரா ஆர்ச்சர் - ரூ. 7.20 கோடி
கெளதம் - ரூ. 6.20 கோடி
ரஹானே, ஷார்ட், பட்லர் - ரூ. 4 கோடி
ராகுல் திரிபாதி - ரூ. 3.40 கோடி
11-வது ஐபிஎல் டி-20 கிரிக்கெட் போட்டி, வரும் ஏப்ரல் 7-ம் தேதி தொடங்கவுள்ளது. ஆர்ப்பரிக்கும் ஆட்டங்கள், அதிரடியான திருப்பங்கள் என பல்வேறு சுவாரஸ்யங்கள் நிறைந்திருக்கும் இப்போட்டிகளுக்கு உலக அளவில் ஏகோபித்த வரவேற்பு உள்ளது. கோப்பையைக் கைப்பற்றும் அணிக்கு கோடிக்கணக்கான ரூபாய்கள் மதிப்பிலான பரிசுகள் அறிவிக்கப்பட்டுள்ளன. இதைத்தவிர, அடுத்த 5 ஆண்டுகளுக்கு ஐபிஎல் போட்டிகளை ஒளிபரப்பும் உரிமையை ரூ.16,000 கோடிக்கும் மேல் கொடுத்து ஸ்டார் ஸ்போர்ட்ஸ் சேனல் பெற்றுள்ளது.