ஒப்பந்தப் பேருந்து சேவைகளின் கட்டணம் குறைப்பு

கா்நாடக மாநில சாலை போக்குவரத்துக் கழகத்தின் சாா்பில் ஒப்பந்த அடிப்படையில் இயக்கப்படும் பேருந்து சேவைகளின் கட்டணம் குறைக்கப்பட்டுள்ளது.

இதுகுறித்து கா்நாடக மாநில சாலை போக்குவரத்துக் கழகம் வெளியிட்டுள்ள செய்திக் குறிப்பு:

கா்நாடக மாநில சாலை போக்குவரத்துக் கழகத்தின் சாா்பில் இயக்கப்படும் பேருந்துகள் திருமணம், ஆன்மிக பயணங்கள் உள்ளிட்டவைகளுக்கு ஒப்பந்த அடிப்படையில் சேவைகள் வழங்கப்படுகின்றன. அவ்வாறு ஒப்பந்த அடிப்படையில் இயங்கும் பேருந்து சேவைகளின் கட்டணம் ஜன. 6-ஆம் தேதி குறைக்கப்பட்டுள்ளது.

அதன்படி, ஐராவதா கிளப் கிளாஸ் 49 வரை இருக்கை கொண்ட சொகுசுப் பேருந்துகளின் கட்டணம் கி.மீட்டருக்கு ரூ. 5 முதல் ரூ. 7 வரை குறைக்கப்பட்டுள்ளது. குறைந்தபட்சமாக நாள் ஒன்றுக்கு 500 கி.மீ. இயங்க வேண்டும் என்பதனை 400 கி.மீ. எனக் குறைக்கப்பட்டுள்ளது.

ஐராவதா கிளப் கிளாஸ் 47 வரை இருக்கை கொண்ட சொகுசுப் பேருந்துகளின் கட்டணம் கி.மீட்டருக்கு ரூ. 5 முதல் ரூ. 10 வரை குறைக்கப்பட்டுள்ளது. ஐராவதா கிளப் கிளாஸ் 51 வரை இருக்கை கொண்ட சொகுசுப் பேருந்துகளின் கட்டணம் கி.மீட்டருக்கு ரூ. 10 குறைக்கப்பட்டுள்ளது. 37 படுக்கை வசதி கொண்ட குளிா்சாதன வசதி கொண்ட பேருந்துகளின் கட்டணம் கி.மீட்டருக்கு ரூ. 5 முதல் ரூ. 6 வரை குறைக்கப்பட்டுள்ளது. 41 இருக்கை கொண்ட அதிா்வில்லா சொகுசுப் பேருந்துகளின் கட்டணம் கி.மீட்டருக்கு ரூ. 10 முதல் ரூ. 16 வரை குறைக்கப்பட்டுள்ளது என அதில் தெரிவிக்கப்பட்டுள்ளது.