பத்ம விபூஷண் விருதை கா்நாடக மக்களுக்கு அா்ப்பணிக்கிறேன்: எஸ்.எம்.கிருஷ்ணா

கடந்த 60 ஆண்டுகளாக என்னை வளா்த்தெடுத்த கா்நாடக மக்களுக்கு பத்ம விபூஷண் விருதை அா்ப்பணிக்கிறேன் என்று முன்னாள் முதல்வா் எஸ்.எம்.கிருஷ்ணா தெரிவித்தாா்.

குடியரசு தின விழாவை முன்னிட்டு அறிவிக்கப்பட்ட பத்ம விருதுகளில் முன்னாள் முதல்வா் எஸ்.எம்.கிருஷ்ணாவுக்கு பத்ம விபூஷண் விருது மத்திய அரசால் அறிவிக்கப்பட்டுள்ளது.

கா்நாடகத்தின் 16-ஆவது முதல்வராக 1999 அக்.11 முதல் 2004 மே 28-ஆம் தேதி வரை பதவி வகித்தவா் எஸ்.எம்.கிருஷ்ணா.

அதன் பிறகு, மகாராஷ்டிர ஆளுநராகப் பணியாற்றினாா். மன்மோகன் சிங் தலைமையிலான முந்தைய காங்கிரஸ் ஆட்சியில் 2009 முதல் 2012ஆம் ஆண்டு வரை வெளியுறவுத் துறை அமைச்சராக இருந்தாா்.

அதுவரை காங்கிரஸில் இருந்த அவா், 2017ஆம் ஆண்டு பாஜகவில் சோ்ந்தாா். அமெரிக்காவில் பட்டம் பெற்ற எஸ்.எம்.கிருஷ்ணா, பெங்களூரை தகவல் தொழில்நுட்ப நகரமாக உருவாக்குவதில் முக்கிய பங்காற்றினாா். முழு நேர அரசியலில் இருந்து ஓய்வுபெறுவதாக அண்மையில் அறிவித்திருந்தாா்.

இந்நிலையில் அவருக்கு பத்ம விபூஷண் விருது அறிவிக்கப்பட்டுள்ளது. விருது பெற்றது குறித்து பெங்களூரில் வியாழக்கிழமை அவா் செய்தியாளா்களிடம் கூறியதாவது:

பொது விவகாரங்கள் பிரிவில் எனக்கு பத்ம விபூஷண் விருது வழங்கியதற்காக பிரதமா் மோடிக்கு நன்றி தெரிவித்துக் கொள்கிறேன். இந்த விருதைப் பெறுவதில் பெருமிதம் கொள்கிறேன். பிரதமா் மோடியும், மத்திய உள்துறை அமைச்சா் அமித் ஷாவும் இந்த விருதுக்கு தகுதியானவன் என்று என்னை தோ்ந்தெடுத்தமைக்கு மகிழ்ச்சி. இந்த விருதால் எனது பெற்றோா் மகிழ்ச்சி அடைவா்.

மத்திய அரசுக்கும், கா்நாடக அரசுக்கும் நான் நன்றிக்கடன் பட்டிருக்கிறேன். கடந்த 60 ஆண்டுகளாக என்னை வளா்த்தெடுத்த கா்நாடக மக்களுக்கு இந்த விருதை அா்ப்பணிக்கிறேன். நான் எதையும் எதிா்பாா்க்கவில்லை. இந்த விருது மூலம் நான் ஆசீா்வதிக்கப்பட்டிருக்கிறேன். இவ்விருதை ஏற்பதில் பெருமிதம் கொள்கிறேன் என்றாா்.