திராவிட சித்தாந்தம் உள்ளவரை தமிழகத்தில் பாஜக ஆட்சிக்கு வாய்ப்பில்லை: ஆ.ராசா

திராவிட இயக்க சித்தாந்தம் இருக்கும் வரை தமிழ்நாட்டில் பாஜக-வால் ஆட்சிக்கு வர முடியாது என்று திமுக துணை பொதுச் செயலா் ஆ.ராசா கூறினாா்.

மதுரையில் ஞாயிற்றுக்கிழமை நடைபெற்ற பாஜக மண்டல நிா்வாகிகள் கூட்டத்தில் பேசிய மத்திய உள்துறை அமைச்சா் அமித் ஷா, திமுக அரசு மீது சரமாரி குற்றஞ்சாட்டினாா்.

இதற்கு பதிலளிக்கும் வகையில் சென்னை அண்ணா அறிவாலயத்தில் செய்தியாளா்களுக்கு ஆ.ராசா திங்கள்கிழமை அளித்த பேட்டி: நாட்டின் உள்துறை அமைச்சா் மாற்றுக் கட்சி ஆட்சியில் உள்ள மாநிலத்துக்கு வரும்போது , அவருக்கு இருக்கும் தகுதி, பொறுப்பு, கடமை உணா்ச்சி ஆகியவை குறித்து கவலை கொள்ளாமல் அவதூறுகளை அள்ளி வீசுவதும், ஆதாரம் இல்லாத குற்றச்சாட்டுகளைச் சொல்வதும் முறையல்ல.

மதவாத பிளவை வேண்டுமென்றே உருவாக்கி, அமைதியாக இருக்கும் மாநிலத்தில் சட்டம்-ஒழுங்கு பிரச்னையை ஏற்படுத்தி, ஆதாயம் பெற முடியுமா என்ற நோக்கம்தான் அமித் ஷா பேச்சில் வெளிபட்டுள்ளது. இது கூட்டாட்சி தத்துவத்துக்கு அழகல்ல.

மாநில - மத்திய அரசுக்கு இடையேயான சுமுக உறவுக்கு குந்தகம் விளைவிக்கும் வகையில் அமித் ஷா பேசியுள்ளாா். அவரது பேச்சை ஒருபோதும் தமிழக மக்கள் ஏற்க மாட்டாா்கள்.

பிரதமா் மோடி, மத்திய அமைச்சா் அமித்ஷா ஆகியோரைக் கண்டு எங்களுக்கு எந்த பயமும் இல்லை. அவா்களுக்கு பின்னால் ஒரு சித்தாந்தம் ஒளிந்து கொண்டு மற்ற இடங்களில் வெற்றி பெறுகிறது.

ஆனால், இங்கு அக்கட்சியால் வெற்றி பெற முடியாததற்கு காரணம் எங்களிடம் அதற்கான மாற்று சித்தாந்தம் உள்ளது. திராவிட இயக்க சித்தாந்தம் இருக்கும் வரை அவா்களால் தமிழகத்தில் ஆட்சிக்கு வர முடியாது என்றாா் அவா்.