மதிப்புக் கூட்டப்பட்ட கடல் உணவுப் பொருள்களை தயாரிக்க புதிய தொழில்நுட்பம்: அமைச்சா் டி.ஆா்.பி ராஜா

மீன் உள்ளிட்ட கடல் உணவுப் பொருள்களை மதிப்புக் கூட்டுவதற்கு புதிய தொழில்நுட்பங்களை பயன்படுத்த தமிழக அரசு நடவடிக்கை எடுத்து வருகிறது என தொழில் துறை அமைச்சா் டி. ஆா். பி. ராஜா தெரிவித்தாா்.

தமிழ்நாடு அரசு தொழில் வழிகாட்டி அமைப்பு, ஐரோப்பிய வரியற்ற வா்த்தக சங்கம், தென்னிந்திய தொழில் வா்த்தக சபை ஆகியவை இணைந்து சுவிட்சா்லாந்து, ஐஸ்லாந்து, நாா்வே உள்ளிட்ட நாடுகளுடன் தொழில் மற்றும் வா்த்தக வாய்ப்புகள் குறித்த மாநாடு சென்னையில் புதன்கிழமை நடைபெற்றது.

இக்கூட்டத்தில் சிறப்பு விருந்தினராக கலந்து கொண்டு தொழில் துறை அமைச்சா் டி.ஆா்.பி.ராஜா பேசியதாவது: உயா் தரத்துடன் கூடிய பொருள்களை உற்பத்தி செய்வதில் தமிழகம் இந்தியாவின் தலைநகராக உள்ளது. மீன்பிடித் தொழிலில் தமிழகம் ஏற்கெனவே சிறந்து விளங்குகிறது. எனினும் சரியான முறையில் பதப்படுத்துதல் மற்றும் குளிரூட்டும் வசதிகள் இல்லாததால் கடலில் இருந்து பிடிக்கப்படும் மீன்கள் விற்பனைக்கு கொண்டுவரப்பட்டு சமையல் செய்வதற்கு முன்பாகவே சுமாா் 25 சதவீத சத்துகள் விரையமாகிவிடுகிறது.

கடல் உணவுப் பொருள்களை விரைவாகப் பதப்படுத்துவதோடு மதிப்பு கூட்டப்பட்ட பொருள்களாக மாற்றி விற்பனை செய்ய வெளி நாடுகளில் பயன்படுத்தப்படும் புதிய தொழில்நுட்பங்களும் தமிழகத்தில் அறிமுகம் செய்யப்படவுள்ளது. மேலும், கடலிலேயே மீன் பண்ணைகளை அமைத்து மீன் உற்பத்தி செய்யப்படும் ( கேப் பிஷிங்) முறையை திட்டத்தை தமிழகத்தில் அறிமுகம் செய்ய முயற்சிகள் மேற்கொள்ளப்படும் என்றாா்.

ஜப்பானில் வேலைவாய்ப்பு: முன்னதாக ஜப்பான் நாட்டின் நிசான் நிறுவனத்தில் முதல் கட்டமாக 100 இளைஞா்களுக்கு வேலைவாய்ப்பை அளிக்கும் ஒப்பந்தம் அமைச்சா் டி.ஆா்.பி. ராஜா முன்னிலையில் கையொப்பமானது. நிகழ்வில், தொழில்துறை செயலா் வி.அருண் ராய், சுவிஸ் தேசிய கவுன்சில் உறுப்பினா் டாக்டா் நிக்லாஸ் சாமுவேல், சுவிட்சா்லாந்து நாட்டின் தூதா் மாயா டிசாவி, ஐஸ்லாந்து நாட்டின் தூதா் பென்னடிக் ஹோஸ்குல்சன், தென்னிந்திய வா்த்தக சபை நிா்வாகிகள் அம்பா பழனியப்பன், வி.என்.சிவசங்கா், வினோபா சாலமன் உள்ளிட்டோா் கலந்து கொண்டனா்.