கல்லூரி மாணவா்கள் இடையே மோதல்: 5 போ் கைது!

இரு கல்லூரி மாணவா்களுக்கு இடையே ஏற்பட்ட மோதல் தொடா்பாக 5 பேரை கைது செய்த போலீஸாா், அவா்களிடம் விசாரணை நடத்தி வருகின்றனா்.

சென்னை பச்சையப்பன் கல்லூரியில் படித்து வரும் மாணவா் அரசன் (20). இவருக்கும் மதுரவாயலில் உள்ள தனியாா் சட்டக் கல்லூரியில் படிக்கும் நவீன்குமாா் (23) என்பவருக்கும் இடையே முன்விரோதம் இருந்து வந்துள்ளது.

இந்த நிலையில், நவீன்குமாா் மற்றும் அவரது நண்பா்கள் சிலா் சோ்ந்து மாணவா் அரசனை தாக்கியுள்ளனா். இதில், அவருக்கு பலத்த காயம் ஏற்பட்டது. இதையடுத்து, இந்த சம்பவம் குறித்து அரசன், மதுரவாயல் பெருமாள்கோயில் தெருவைச் சோ்ந்த தனது நண்பரான மாயஜோதியிடம் (21) தெரிவித்துள்ளாா்.

தொடா்ந்து மாயஜோதி, ஏரிக்கரையில் உள்ள நவீன்குமாா் வீட்டுக்குச் சென்று சமரசம் பேசியுள்ளாா். அப்போது, இரு தரப்பினரிடையே வாக்குவாதம் ஏற்பட்டுள்ளது. இந்த சம்பவம் கடந்த மூன்று மாதங்களுக்கு முன்பு நடந்துள்ளது.

இந்நிலையில், கடந்த ஞாயிற்றுக்கிழமை நள்ளிரவு மாயஜோதி மற்றும் அவரின் நண்பா்களான விக்னேஷ் (26), அஜித்குமாா்(30), ஆஷிக், ஜெஸ்டின் (24) ஆகியோா் மது போதையில், நவீன் வீட்டுக்குச் சென்று, வாக்குவாதத்தில் ஈடுபட்டு, ஒருவரையொருவா் தாக்கிக் கொண்டனா். அப்போது, நவீன்குமாா் தனது வீட்டில் வைத்திருந்த பேப்பா் நாட்டு வெடிகுண்டை எடுத்து மாயஜோதி தரப்பினா் மீது வீசியுள்ளாா். இதில் விக்னேஷுக்கு லேசான காயம் ஏற்பட்டது.

புகாரின் பேரில் வழக்குப் பதிவு செய்த போலீஸாா் விசாரணை நடத்தி மாயஜோதி, விக்னேஷ், அஜித், வெஸ்டின் ஆகிய 4 பேரையும் கைது செய்தனா். இதேபோல, எதிா் தரப்பை சோ்ந்த காா்த்திக் என்பவரையும் போலீஸாா் கைது செய்து விசாரணை நடத்தி வருகின்றனா். மேலும், தலைமறைவான சட்டக் கல்லூரி மாணவா் நவீன்குமாா் (20), அவரின் நண்பா்கள் சூா்யா (19), பெரிய சூா்யா (20) உள்பட 6 பேரை போலீஸாா் தேடி வருகின்றனா்.