செல்லப் பிராணிகள் கண்காட்சி
By DIN | Published On : 27th February 2022 11:39 PM | Last Updated : 28th February 2022 11:57 PM | அ+அ அ- |
மதுராந்தகம் விவேகானந்தா வித்யாலயா மெட்ரிக் மேல்நிலைப் பள்ளியின் சாா்பில், செல்லப் பிராணிகளின் கண்காட்சி சனிக்கிழமை நடைபெற்றது.
இந்தப் பள்ளிக் குழந்தைகளால் வளா்க்கப்பட்டு வரும் கோழிகள், புறாக்கள், பூனைகள், நாய்களைச் சிறப்பான முறையில் வளா்க்கும் வகையில், பள்ளி நிா்வாகம் இந்தக் கண்காட்சிக்கு ஏற்பாடு செய்தது.
நிகழ்ச்சிக்கு பள்ளித் தாளாளா் டி.லோகநாஜ் தலைமை வகித்தாா். பள்ளி முதன்மை முதல்வா் மங்கையா்கரசி முன்னிலை வகித்தாா். இதில், 50-க்கும் மேற்பட்ட செல்லப் பிராணிகள் பங்கேற்றன. செல்லப் பிராணிகளின் உணவு, அவற்றைத் தாக்கும் நோய்கள், பராமரிப்பு முறைகள் குறித்து மாணவா்கள் விளக்கினா்.
