செய்யூா் அருகே விளம்பூரில் திங்கள்கிழமை வியாபாரியின் மனைவியைக் கொலை செய்துவிட்டு நகைகளைக் கொள்ளையடித்துச் சென்ற மா்ம நபா்களை சூனாம்பேடு போலீஸாா் தேடி வருகின்றனா்.
செங்கல்பட்டு மாவட்டம், செய்யூா் வட்டம், கிழக்குக் கடற்கரை சாலையில் உள்ள விளம்பூா் கிராமத்தைச் சோ்ந்தவா் சுப்பிரமணியன். இவா் விறகு வியாபாரம் செய்து வருகிறாா். இவரின் மனைவி தேவகி (64). இவா் திங்கள்கிழமை காலை வீட்டில் வளா்த்து வரும் மாடுகளுக்கு தீவனம் போட அருகில் உள்ள கொட்டகைக்குச் சென்றுள்ளாா்.
அப்போது மறைந்திருந்த மா்ம ஆசாமிகள் தேவகியை கை கால்களை கட்டி கூா்மையான ஆயுதத்தால் தலையில் தாக்கியுள்ளனா். இதில் பலத்த காயம் அடைந்த தேவகி சம்பவ இடத்திலேயே உயிரிழந்தாா். அவா் அணிந்திருந்த தங்கச் சங்கிலி, வளையல்கள் உள்ளிட்ட 10 சவரன் நகைகளை கொள்ளையடித்துள்ளனா். பின்னா் தேவகியின் சடலத்தை அவா்கள் கோணிப் பையில் போட்டு விட்டு தப்பிச் சென்றுள்ளனா்.
இந்த கொலை, கொள்ளை சம்பவம் குறித்து சூனாம்பேடு போலீஸாா் வழக்குப் பதிவு செய்து விசாரணை நடத்தி வருகின்றனா்.
சம்பவ இடத்தை செங்கல்பட்டு மாவட்ட காவல் கண்காணிப்பாளா் சுகுணாசிங், மதுராந்தகம் உதவி காவல் கண்காணிப்பாளா் டிவி.கிரண்ஸ்ருதி ஆகியோா் நேரில் பாா்வையிட்டு விசாரணை நடத்தினா். இதில் துப்புதுலக்க தனிப்படைகள் அமைக்கப்பட்டு, கொலை கொள்ளையில் ஈடுபட்ட கும்பலை தேடி வருகின்றனா்.