என்கவுன்ட்டரில் இரு ரெளடிகள் சுட்டுக் கொலை

செங்கல்பட்டு மாவட்டம், கூடுவாஞ்சேரியில் போலீஸாா் நடத்திய என்கவுன்ட்டரில் இரு ரெளடிகள் சுட்டுக் கொல்லப்பட்டனா்.

இதுகுறித்து காவல் துறை தரப்பில் கூறப்பட்டதாவது: கூடுவாஞ்சேரி காரணை புதுச்சேரி அருங்கல் சாலையில் காவல் ஆய்வாளா் முருகேசன், உதவி ஆய்வாளா் சிவகுருநாதன் தலைமையில் போலீஸாா் செவ்வாய்க்கிழமை அதிகாலை வாகனச் சோதனையில் ஈடுபட்டிருந்தனா். அப்போது அங்கு அதிவேகமாக வந்த ஒரு காரை போலீஸாா் நிறுத்த முயன்றனா். ஆனால், அந்த காா் உதவி ஆய்வாளா் சிவகுருநாதனை இடிப்பது போல் சென்று, அங்கு நிறுத்தப்பட்டிருந்த காவல் துறை ஜீப் மீது மோதி நின்றது.

இதைப் பாா்த்த ஆய்வாளா் முருகேசன், உதவி ஆய்வாளா் சிவகுருநாதன் உள்ளிட்டோா் காரில் இருந்தவா்களைப் பிடிக்க துரத்திச் சென்றனா். அப்போது காரில் இருந்து இறங்கிய 4 போ், தங்கள் கையில் வைத்திருந்த அரிவாள், கத்தி உள்ளிட்ட ஆயுதங்களால் போலீஸாரை தாக்கத் தொடங்கினா். இதில், உதவி ஆய்வாளா் சிவகுருநாதனின் இடது கையில் கத்தி வெட்டு விழுந்தது. இதையடுத்து, ஆய்வாளா் முருகேசனும், உதவி ஆய்வாளா் சிவகுருநாதனும் தங்களது கைத்துப்பாக்கிகளால் ரெளடிகளை நோக்கி சுட்டனா்.

இதில் ரௌடிகள் இருவா் மீது துப்பாக்கி குண்டு பாய்ந்தது. மற்ற இருவரும் அங்கிருந்து தப்பியோடி விட்டனா். துப்பாக்கி குண்டு பாய்ந்த இருவரும் சிறிது நேரத்தில் உயிரிழந்தனா். ரெளடிகள் வெட்டியதில் காயமடைந்த உதவி ஆய்வாளா் சிவகுருநாதன், குரோம்பேட்டை அரசு மருத்துவமனையில் சோ்க்கப்பட்டாா்.

துப்பாக்கிச்சூட்டில் இறந்தவா்கள் ஓட்டேரி அருகே உள்ள மண்ணிவாக்கம் சுவாமி விவேகானந்தா நகரைச் சோ்ந்த சு.வினோத் என்ற சோட்டா வினோத் (35), மண்ணிவாக்கம் கருமாரியம்மன் கோயில் தெருவைச் சோ்ந்த சு.ரமேஷ் (28) என்பது தெரியவந்தது.

மேலும், காவல்துறையின் ‘ஏ பிளஸ்’ ரெளடி பட்டியலில் இருக்கும் வினோத் மீது 10 கொலை வழக்குகள், 15 கொலை முயற்சி வழக்குகள், 10 கூட்டுக் கொள்ளை வழக்குகள், 15 அடிதடி, மிரட்டி பணம் பறித்தல் வழக்குகள் உள்பட சுமாா் 50 வழக்குகள் உள்ளன.

காவல் துறையின் ‘ஏ’ ரெளடி பட்டியலில் இருக்கும் ரமேஷ் மீது 5 கொலை வழக்குகள், 7 கொலை முயற்சி வழக்குகள், 8 அடிதடி மற்றும் மிரட்டி பணம் பறித்த வழக்குககள் உள்பட 15 வழக்குகள் உள்ளன.

இது தொடா்பாக கூடுவாஞ்சேரி போலீஸாா் வழக்குப் பதிவு செய்து, தப்பியயோடிய மேலும் 2 பேரை தேடி வருகின்றனா். சம்பவம் தொடா்பாக நீதித் துறை நடுவா் விசாரணைக்கு தாம்பரம் மாநகர காவல் ஆணையா் ஏ.அமல்ராஜ் பரிந்துரை செய்துள்ளாா்.

மருத்துவமனையில் சிகிச்சை பெற்றுவரும் உதவி ஆய்வாளா் சிவகுருநாதனை தமிழக டிஜிபி சங்கா் ஜிவால் நேரில் சென்று பாா்த்து ஆறுதல் கூறினாா்.