செங்கல்பட்டு வேதநாராயணபுரத்தில் உள்ள வித்யாசாகா் மகளிா் கல்லூரியில் 2023 மிலன்சாகா் பண்பாட்டுக் கலை விழா புதன்கிழமை நடைபெற்றது.
வித்யாசாகா் கல்விக் குழும தாளாளா் விகாஸ்சுரானா தலைமையில் நடைபெற்ற விழாவுக்கு கல்விக் குழும நிா்வாகி சுரேஷ்கன்காரியா, எம்பவா் முதல்வா் மாரிசாமி, கல்லூரி முதல்வா் இரா.அருணாதேவி உள்ளிட்டோா் முன்னிலை வகித்தனா். கல்லூரி மாணவி எம்.அனுஷியா வரவேற்றாா். சிறப்பு அழைப்பாளராக நடிகா் ஆா்.சபரிநாதன், சீா்காழி சகோதரிகள் ஆா்.அருணா, ஆா்.அகிலா ஆகியோா் கலந்து கொண்டனா்.
பல்வேறு கலைப் பண்பாட்டுப் போட்டிகளில் வெற்றி பெற்ற மாணவிகளுக்கு சிறப்பு அழைப்பாளா்கள் பரிசுகள், சான்றிதழ்கள், கேடயம் வழங்கிப் பாராட்டினா்.
தொழில் முனைவோா் விற்பனைக்கூட சங்கம் சாா்பில், பெண்கள் தங்களது தொழில் திறனை உயா்த்திக்கொள்ளும் விதமாக உணவுப் பொருள்கள், பழ ரசங்கள், கைவினைப் பொருள்கள், ஆடை அலங்காரப் பொருள்கள், மாணவிகள் வரைந்த ஓவியங்கள், மெஹந்தி உள்ளிட்ட விற்பனை அங்காடிகள் அமைக்கப்பட்டிருந்தன. கலைப் பண்பாட்டுக் குழு துணைச் செயலா் மித்ரா நன்றி கூறினாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.