செங்கல்பட்டு: செங்கல்பட்டில் நடைபெற்ற மக்கள் குறைதீா் கூட்டத்தில் பயனாளிகளுக்கு நலத்திட்ட உதவிகளை ஆட்சியா் ச. அருண்ராஜ் வழங்கினாா்.
ஆட்சியா் அலுவலகத்தில் திங்கள்கிழமை நடைபெற்ற கூட்டத்துக்கு தலைமை வகித்த ஆட்சியா் ச.அருண்ராஜ் பொதுமக்களிடமிருந்து 469 கோரிக்கை மனுக்களை பெற்று, சம்மந்தப்பட்ட துறை அலுவலா்களுக்கு மனுக்கள் மீது விரைவாக நடவடிக்கை எடுக்குமாறு அறிவுறுத்தினாா்.
தொழிலாளா் உதவி ஆணையத்தின் மூலம் 3 பெண் ஆட்டோ ஓட்டுநா்களுக்கு ஆட்டோ வாங்குவதற்காக தலா ரூ. 1 லட்சம் மானியத்துக்கான ஆணையினை ஆட்சியா் வழங்கினாா்.
மேலும், தமிழ்நாடு உடற்கல்வியியல் பல்கலைக்கழக விடுதியில், தங்கி பயிற்சி பெற்று வரும் மாணவ, மாணவிகளுக்கு ஆட்சியரின் சமூக பொறுப்பு நிதியிலிருந்து ரூ.7.50 லட்சத்தில் மிதிவண்டியினை ஆட்சியா் வழங்கினாா்.
மாணவ, மாணவிகளுக்கு விளையாட்டு உபகரணங்கள் தேவைப்பட்டால், தன்னிடம் தெரிவிக்குமாறு ஆட்சியா் தெரிவித்தாா்.
வேலைவாய்ப்பு வேண்டி மனு அளித்தவா்களுக்கு மெகா வேலைவாய்ப்பு முகாம் நடைபெறும் இடங்களில் முன்னுரிமை அளித்து பணி வாய்ப்பினை பெற்றுத்தருமாறு மாவட்ட வேலைவாய்ப்பு அலுவலருக்கு அறிவுறுத்தினாா்.
இதில் மாவட்ட வருவாய் அலுவலா் கணேஷ் குமாா், ஆட்சியரின் நோ்முக உதவியாளா் (பொது) காஜா சாகுல் அமீது, தனித்துணை ஆட்சியா் (சமூக பாதுகாப்புதிட்டம்) அகிலா தேவி, மாவட்ட வழங்கல் அலுவலா் சாகிதா பா்வீன், உதவி இயக்குநா் (கலால்) ராஜன் பாபு, பிற்படுத்தப்பட்டோா் நல அலுவலா் வேலாயுதம், ஆதிதிராவிடா் மற்றும் பழங்குடியினா் நல அலுவலா் சுந்தா், தொழிலாளா்உதவி ஆணையா் (சமூக பாதுகாப்பு திட்டம்) நிவேதா, விளையாட்டு அலுவலா் ஆனந்த் மற்றும் அரசு அலுவலா்கள் கலந்து கொண்டனா்.
