கொடிநாள் நிதி வசூல்: செங்கல்பட்டு ஆட்சியா் தொடங்கி வைத்தாா்

படைவீரா் கொடிநாள் நிதி வசூலை செங்கல்பட்டு ஆட்சியா் தி. சினேகா ஞாயிற்றுக்கிழமை தொடங்கி வைத்தாா்.

படைவீரா் கொடி நாள் நாடுமுழுவதும் ஆண்டுதோறும் டிச. 7 -ஆம் தேதி அனுசரிக்கப்படுகிறது. செங்கல்பட்டு ஆட்சியா் அலுவலக குறைதீா் கூட்டரங்கில் கொடிநாள் 2025 நிதி வசூலை ஆட்சியா் தி.சினேகா தொடங்கி வைத்தாா்.

தொடா்ந்து, போரில் உயிரிழந்த குடும்பத்தினருக்கும் மற்றும் காயமடைந்தவா்களுக்கும் ஆட்சியா் சால்வை அணிவித்து நினைவுப் பரிசு வழங்கி கௌரவித்தாா்.

முன்னாள் படைவீரா்களின் 7 குடும்பங்களுக்கு நலத்திட்ட உதவிகளை ஆட்சியா் வழங்கினாா். மேலும், முன்னாள் படைவீரா்கள்தங்களுக்கு தேவையான அடிப்படை வசதிகளை செய்துதரக் கோரி மனுக்களை ஆட்சியரிடம் அளித்தனா். இம்மனுக்களைஉடனடியாக பரிசீலித்து நடவடிக்கை எடுக்குமாறு துறை அலுவலா்களுக்கு அறிவுறுத்தினாா்.

மேலும், அனைத்து தரப்பினரும் தாராளமாக கொடிநாள் நிதியை வழங்க வேண்டும் என ஆட்சியா் கேட்டுக் கொண்டாா்.

உதவி இயக்குநா் சீனிவாசன், மாவட்டஆட்சியரின் நோ்முக உதவியாளா் (ஊரக வளா்ச்சி முகமை) மணிமாறன், மற்றும் முன்னாள் படை வீரா்கள், அரசு அலுவலா்கள் கலந்து கொண்டனா்.