கந்தகோட்டம் பிரம்மோற்சவம் நாளை தொடக்கம்

சென்னை, ஜன. 8: சென்னை பூங்கா நகரில் கந்தகோட்டம் ஸ்ரீமுத்துக்குமாரசுவாமி திருக்கோவில் பிரம்மோற்சவ விழா திங்கள்கிழமை (ஜனவரி 10) தொடங்குகிறது. ஜனவரி 28 வரை 19 நாள்களுக்கு இந்த விழா நடைபெற உள்ளது. ஏழாம் நாள் விழாவான திருத்தேர் விழா ஜனவரி 16-ம் தேதியும், தங்கமுலாம் குதிரை வாகனத்தில் சூளைக்கு பார்வேட்டை விழா 17-ம் தேதியும் நடைபெறுகிறது. மேலும் 20-ம் தேதி அருள்மிகு கச்சாலீஸ்வரர் திருக்கோயிலிலும் 24-ம் தேதி ராயபுரத்தில் வேடர்பறி மைதானத்திலும் எழுந்தருளுவார். 25-ம் தேதி வள்ளியம்மை திருக்கல்யாண உற்சவம் நடைபெறும்.