விருகம்பாக்கம் மயானம் தற்காலிக மூடல்

பராமரிப்புப் பணி காரணமாக விருகம்பாக்கம் மயானம் பிப்ரவரி 10-ஆம் தேதி வரை தற்காலிகமாக மூடவுள்ளதாக சென்னை மாநகராட்சி தெரிவித்துள்ளது.

இதுகுறித்து மாநகராட்சி சாா்பில் வெள்ளிக்கிழமை வெளியிடப்பட்ட செய்திக் குறிப்பு:

கோடம்பாக்கம் மண்டலம் 128-ஆவது வாா்டுக்கு உட்பட்ட விருகம்பாக்கம் மயானத்தின் மின்சார தகனமேடையில் பராமரிப்புப் பணிகள் மேற்கொள்ளப்பட உள்ளன. இதனால், பிப்ரவரி 10-ஆம் தேதி வரை இயங்காது. இந்த நாள்களில் அருகிலுள்ள ஏவிஎம் அல்லது நெசப்பாக்கம் மயானங்களை பொதுமக்கள் பயன்படுத்திக் கொள்ளுமாறு தெரிவிக்கப்பட்டுள்ளது.