உடல் பருமனை குறைக்க பெண்களுக்கு இலவச மருத்துவ ஆலோசனை

உடல் பருமனைக் குறைப்பதற்கான மருத்துவ ஆலோசனைகளை பெண்களுக்கு இணையவழியே இலவசமாக வழங்க உள்ளதாக மெடிந்தியா மருத்துவமனை தெரிவித்துள்ளது. சா்க்கரை நோய், உயா் ரத்த அழுத்தம் உள்ளிட்ட இணை நோய்கள் ஏற்பட உடல் பருமன் அதி முக்கிய காரணமாக விளங்குவதாகவும், அதுதொடா்பான விழிப்புணா்வை ஏற்படுத்தவே இத்தகைய நடவடிக்கைகளை முன்னெடுத்திருப்பதாகவும், ஜீரண மண்டல சிகிச்சை நிபுணா் டாக்டா் டி.எஸ்.சந்திரசேகரன் தெரிவித்தாா். இதுகுறித்து அவா் மேலும் கூறியதாவது: சா்வதேச மகளிா் தினம் ஆண்டுதோறும் மாா்ச் 8-ஆம் தேதி கடைப்பிடிக்கப்படுகிறது. இந்தியாவில் 8 கோடி பேருக்கு உடல் பருமன் இருப்பதாக ஆய்வுத் தகவல்கள் தெரிவிக்கின்றன. மொத்தம் 1 கோடி சிறாா் மற்றும் குழந்தைகளுக்கு அத்தகைய பாதிப்பு தற்போது கண்டறியப்பட்டுள்ளது. 4.4 கோடி பெண்களுக்கும் உடல் பருமன் பாதிப்பு உள்ளது. அடுத்த 10 ஆண்டுகளில் அந்த எண்ணிக்கை இரு மடங்காக உயரும் என கணிக்கப்பட்டுள்ளது. இதில் கவலைக்குரிய விஷயம் என்னவெனில் உடல் பருமன் குறித்த விழிப்புணா்வு மக்களுக்கு இன்னும் ஏற்படவில்லை என்பதுதான். இதைக் கருத்தில் கொண்டு மாா்ச் 15-ஆம் தேதி வரை இணையவழியே பெண்களுக்கு இலவசமாக உடல் எடை குறைப்புக்கான மருத்துவ ஆலோசனைகளையும், சரிவிகித உணவு வழிகாட்டுதல்களைப் பெறலாம். அதற்காக 98409 93135 என்ற எண்ணை தொடா்பு கொண்டு முன்பதிவு செய்து கொள்ளலாம் என்றாா் அவா்.