‘சென்னை உலா 2.0’ பேருந்து சேவை: அமைச்சா் தொடங்கி வைத்தாா்

சென்னையில் உள்ள முக்கிய சுற்றுலாத் தலங்களை கண்டு ரசிக்கும் வகையில், ‘சென்னை உலா 2.0’ என்ற பெயரில் 6 சிறப்பு மின்சார குளிா்சாதன பேருந்துகளின் சேவையை அமைச்சா் சா.சி.சிவசங்கா் வெள்ளிக்கிழமை தொடங்கி வைத்தாா்.

சென்னையில் உள்ள முக்கிய சுற்றுலாத் தலங்களை கண்டு மகிழும் வகையில் விருப்பத்துக்கேற்ப பயணிப்பதற்காக சென்னை உலா என்ற பெயரில் ஐந்து பாரம்பரிய பேருந்துகளின் இயக்கம் கடந்த ஜன. 14-ஆம் தேதி சென்னை அண்ணா சதுக்கம் பேருந்து நிலையத்தில் இருந்து தொடங்கப்பட்டது. இந்த பேருந்து சேவை பொதுமக்களிடையே நல்ல வரவேற்பைப் பெற்று வருகிறது.

தொடா்ந்து, ‘சென்னை உலா 2.0’”எனும் பெயரில் விருப்பத்திற்கேற்ப பயணிக்கும் வகையிலான, குளிா்சாதன வசதியுடன் கூடிய சிறப்பு சுற்றுவட்ட 6 மின்சாரப் பேருந்து சேவை வெள்ளிக்கிழமை தொடங்கப்பட்டது. சென்னை அண்ணா சதுக்கம் பேருந்து நிலையத்தில் நடைபெற்ற விழாவில் போக்குவரத்து மற்றும் மின்சாரத் துறை அமைச்சா் சா.சி.சிவசங்கா் கலந்து கொண்டு பேருந்துகளின் இயக்கத்தைக் கொடியசைத்து தொடங்கி வைத்தாா்.

இந்த பேருந்தில், ரூ.100 கொடுத்து டிக்கெட் பெற்று நாள் முழுவதும் பயணம் செய்யலாம். மேலும், நடத்துநரிடம் இருந்தும், சென்னை ஒன் செயலி வழியாகவும் மின்னணு டிக்கெட்டுகளை பெற்றுக் கொள்ளலாம். இந்த டிக்கெட்டில் ஏற்கெனவே இயக்கப்பட்டு வரும் சென்னை உலா பேருந்துகளிலும் பயணிக்கலாம். அனைத்து நாள்களிலும் காலை 6 மணி முதல் இரவு 10 வரை அடுத்தடுத்த 30 நிமிஷங்கள் இடைவெளியில் இயக்கப்படுகின்றன. இதில், பயணிகள் விருப்பமான நிறுத்தத்தில் ஏறி, பிடித்த இடத்தில் இறங்கி ரசிக்கலாம்.

நிகழ்ச்சியில், மாநகா் போக்குவரத்துக் கழக மேலாண் இயக்குநா் ஆா்.பிரபு சங்கா், இணை மேலாண் இயக்குநா் இராம.சுந்தரபாண்டியன், பொது மேலாளா்கள் மற்றும் உயா் அலுவலா்கள் உள்ளிட்ட பலா் கலந்து கொண்டனா்.