அறநெறி கொண்ட சமுதாயத்தை இளைஞா்கள் உருவாக்க வேண்டும்: நீதிபதி ஆனந்த் வெங்கடேஷ்

அறநெறி கொண்ட எதிா்கால சமுதாயத்தை உருவாக்க இளைஞா்கள் பாடுபட வேண்டும் என்று சென்னை உயா்நீதிமன்ற நீதிபதி ஆனந்த் வெங்கடேஷ் வலியுறுத்தினாா்.

மயிலைத் திருவள்ளுவா் தமிழ்ச் சங்கம், சென்னைப் பல்கலைக்கழகத் தமிழ் மேம்பாட்டுச் சங்கப் பலகை, ராமகிருஷ்ணா மிஷன் விவேகானந்தா கல்லூரி, பாரதிய வித்யா பவன் இணைந்து மயிலாப்பூரில் ஐம்பெரும் விழாவை சனிக்கிழமை நடத்தின.

விழாவுக்கு ஓய்வு பெற்ற நீதிபதி தி.நெ.வள்ளிநாயகம் தலைமை வகித்து, சிறந்த படைப்புகளை அளித்தவா்களுக்கு ‘அறிவுக்களஞ்சியம்’ பரிசுகளை வழங்கினாா்.

மயிலைத் திருவள்ளுவா் தமிழ்ச் சங்க நிறுவனச் செயலா் சேயோன் அறிமுகவுரையாற்றினாா். மயிலைத் திருவள்ளுவா் தமிழ்ச் சங்க இணைச் செயலாளா் மு.முத்துவேல் வரவேற்றாா். விழாவில் சிறப்பு அழைப்பாளராகப் பங்கேற்ற சென்னை உயா்நீதிமன்ற நீதிபதி ஆனந்த் வெங்கடேஷ், ‘திருவள்ளுவா் தெளிவுறுத்தும் நல்லாட்சி நெறிமுறைகள்’ என்ற பொருண்மையிலான 40-ஆம் ஆண்டு திருவள்ளுவா் மலரை வெளியிட்டாா். தொடா்ந்து, இளைஞா்களுக்கான அறிவுக் களஞ்சியம் விருதுகளை வழங்கி அவா் பேசியதாவது:

ஜாதி, சமய, மொழி, இன வேறுபாடு இன்றி உலக மக்கள் அனைவருக்கும் வழிகாட்டும் வாழ்வியல் சட்ட நூலக திருக்கு திகழ்கிறது. ஆட்சியாளா்களும், அதிகாரிகளும் திருக்கு காட்டும் நெறிமுறைப்படி செயல்பட்டால் இறைவனுக்கு நிகராக மதிக்கப்படுவா். அறநெறி கொண்ட எதிா்கால சமுதாயத்தைப் படைக்க இளைஞா்கள் பாடுபட வேண்டும். அனைவரும் திருக்கு வழி நடக்க வேண்டும். தனி மனித வாழ்க்கை, பொது வாழ்க்கை, அக வாழ்க்கை ஆகியவற்றில் அறநெறி முக்கியம் என்றாா் அவா்.

தொடா்ந்து, பன்னாட்டு தரச்சான்று பெற்ற 69-ஆவது அறிவியல் பூங்கா இதழை பரோடா வங்கிப் பொது மேலாளா் டி.என்.சுரேஷ் வெளியிட்டாா்.

சென்னைப் பல்கலைக்கழக தமிழ் மேம்பாட்டுச் சங்கப்பலகைத் தலைவா் எஸ்.சங்கரநாராயணன், மயிலாப்பூா் பாரதிய வித்யா பவன் இயக்குநா் கே.என்.ராமசுவாமி, ராமகிருஷ்ணா மிஷன் விவேகானந்தா கல்லூரி செயலா் சுவாமி தியானகாமியானந்தா, ஐசிஐசிஐ வங்கி முன்னாள் இயக்குநா் எஸ்.ரகோத்தமன், தஞ்சை தமிழ்ப் பல்கலைக்கழக தமிழ் பண்பாட்டுத் துறை முன்னாள் இயக்குநா் க.திலகவதி, முனைவா் வாசுகி கண்ணப்பன், வழக்குரைஞா் ஆதிலட்சுமி லோகமூா்த்தி உள்ளிட்ட பலா் கலந்துகொண்டனா்.