தனி மனிதத் துதிபாடல்களை தவிர்க்கவும்... திருச்செந்தூர் கோயில் நிர்வாகம் அறிக்கை சென்னை பன்னாட்டு புத்தகத் திருவிழா ஜனவரி 16-ம் தேதி தொடக்கம்! திருப்பதி ஏழுமலையானுக்கு 121 கிலோ தங்க ஆபரணங்களை வழங்கும் பக்தர்! நீலகிரி, கொடைக்கானலில் 2 நாள்களுக்கு உறைபனி! வானிலை எச்சரிக்கை! அக்வான் புயல்: ராஞ்சியில் 20 விமானங்கள் ரத்து! அமெரிக்காவின் அதிநவீன ட்ரோனை சுட்டு வீழ்த்திய ஈரான்! தவெக ஆட்சி தானாக கவிழ்ந்துவிடும் - எடப்பாடி பழனிசாமி தவெக ஆட்சியில் உயிருக்கும் பயிருக்கும் பாதுகாப்பு இல்லை! டி.ஆர்.பி. ராஜா

வியாபாரியிடம் ரூ. 10 லட்சம் பறிப்பு: ஞானசேகரன் தம்பியை தேடும் போலீஸாா்

வியாபாரியிடம் ரூ.10 லட்சம் பறித்த ஞானசேகரன் தம்பியை தேடும் போலீஸாா்...

ஞானசேகரன் (கோப்புப்படம்)

Updated On :

சென்னை கோட்டூா்புரத்தில் வியாபாரியிடம் ரூ.10 லட்சம் வழிப்பறி செய்யப்பட்ட வழக்கில், அண்ணா பல்கலைக்கழக மாணவி பாலியல் வன்கொடுமை வழக்கில் சிறையில் இருக்கும் ஞானசேகரனின் தம்பியை போலீஸாா் தேடி வருகின்றனா்.

பழைய வண்ணாரப்பேட்டை டாக்டா் விஜயராகவலு சாலைப் பகுதியைச் சோ்ந்தவா் அ.யாசின் (39). இவா், ஜாம்பஜாா் திருவல்லிக்கேணி நெடுஞ்சாலையில் சிறிதாக நகைக் கடை வைத்துள்ளாா். யாசினின் நண்பா் வியாசா்பாடி சத்தியமூா்த்தி நகரைச் சோ்ந்தவா் சி.நூருதீன் (37).

நூருதீன், வியாழக்கிழமை யாசினை தொடா்புகொண்டு, தனது நண்பருக்கு சொந்தமான தங்க நகை ரூ.10 லட்சத்துக்கு நகை அடகு வைக்கப்பட்டிருப்பதாகவும், அதை மீட்க ரூ.10 லட்சம் கொடுத்தால், நகையை மீட்டு விற்ற பின்னா் ரூ.10.50 லட்சம் தருவதாக தெரிவித்தாா்.

இதையடுத்து, யாசின், ரூ.10 லட்சத்தை எடுத்துக்கொண்டு கோட்டூா்புரம் எல்லையம்மன் கோயில் அருகே உள்ள ஒரு நகைக் கடைக்குச் சென்றபோது அங்கு நூருதீன், கோட்டூா்புரம் மண்டபம் சாலைப் பகுதியைச் சோ்ந்த தா.சுரேஷ் (34),கொட்டிவாக்கம் துலுக்கானத்தம்மன் கோயில் தெருவைச் சோ்ந்த கு.பிரசாந்த் (30) ஆகியோா் இருந்தனா்.

யாசின், ரூ.10 லட்சத்தை பிரசாந்திடம் கொடுத்துள்ளாா். அவா் அந்தப் பணத்தை சுரேஷிடம் ஒப்படைத்துள்ளாா். பணத்தைப் பெற்றுக் கொண்ட சுரேஷ், நூருதீன், பிரசாந்த் அங்கிருந்து மோட்டாா் சைக்கிளில் இருந்து தப்பியோடினா்.

இதுகுறித்து கோட்டூா்புரம் போலீஸாா் வழக்குப் பதிவு செய்தனா். விசாரணையில் சுரேஷ், அண்ணா பல்கலைக்கழக மாணவி பாலியல் வன்கொடுமை வழக்கில் சிறையில் இருக்கும் ஞானசேகரனின் தம்பி என்பது தெரிய வந்தது.

இதையடுத்து கோட்டூா்புரம் போலீஸாா், பிரகாஷிடமிருந்து ரூ.10 லட்சத்தை மீட்டனா். சுரேஷ் உள்ளிட்ட பிற நபா்களை போலீஸாா் தேடி வருகின்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.