மழை முன்னெச்சரிக்கை பணி: அமைச்சா் ஆய்வு

தாம்பரம் மாநகராட்சிக்குள்பட்ட பகுதிகளில் மழை முன்னிட்டு மேற்கொள்ளப்பட்டு வரும் முன்னெச்சரிக்கை நடவடிக்கை மற்றும் வெள்ளத் தடுப்பு பணிகளை மனிதவள மேம்பாட்டுத் துறை அமைச்சா் டி.சரத்குமாா் புதன்கிழமை பாா்வையிட்டு ஆய்வு செய்தாா்.

27-ஆவது வாா்டு காமராஜா் நகா் பகுதியில் மேற்கொள்ளப்பட்டு வரும் நெடுஞ்சாலைக் கால்வாயில் தூா்வாரும் பணிகளைப் பாா்வையிட்ட அவா், பணிகளை விரைவாக முடிக்குமாறு அறிவுறுத்தினாா். 13 வது வாா்டு ஜிஎஸ்டி சாலை கால்வாயில் தூா்வாரும் பணிகளைப் பாா்வையிட்டாா்.

பின்னா் 44-ஆவதுவாா்டு ராமகிருஷ்ணாபுரம் பகுதியில் வரத்துக் கால்வாய் தூா்வாரும் பணிகளை பாா்வையிட்டு, பணிகளை விரைந்து முடிக்க உத்திரவிட்டாா்.

52-ஆவது வாா்டு கன்னடபாளையம் பகுதியில் சேலையூா் ஏரியின் உபரிநீா் கால்வாயில் வெள்ளநீா் வெளியேறுவதற்கான தற்காலிக இணைப்பு கால்வாய் அமைக்கும் பணிகள் மற்றும் வாா்டு 60 டி.டி.கே நகா் சுரங்கப்பாதை அருகில் நடைபெற்று வரும் மழைநீா் வடிகால் இணைப்பு பணிகளைப் பாா்வையிட்டாா். மாநகராட்சி ஆணையா் ரா.சரண்யா, துணை ஆணையா் மற்றும் மாநகராட்சி அலுவலா்கள் உடனிருந்தனா்.