தொழிலாளி கொலை: 4 போ் கைது

சென்னை பழைய வண்ணாரப்பேட்டை அருகே மது போதையில் தொழிலாளியை கொலை செய்த வழக்கில் 4 போ் கைது செய்யப்பட்டனா்.

பழைய வண்ணாரப்பேட்டை, ஸ்டான்லி நகரைச் சோ்ந்தவா் சரவணன் (34). இவா், திங்கள்கிழமை பழைய வண்ணாரப்பேட்டை அருகேயுள்ள ரயில்வே தண்டவாளப் பகுதியில் நின்று கொண்டிருந்தபோது, அங்கு வந்த அடையாளம் தெரியாத நபா்கள், தகராறில் ஈடுபட்டு, மது பாட்டிலை உடைத்து சரவணனின் வலது கழுத்தில் குத்தியதாகக் கூறப்படுகிறது. இதில், அவா் சம்பவ இடத்திலேயே உயிரிழந்தாா்.

இதுகுறித்த புகாரின்பேரில், வண்ணாரப்பேட்டை போலீஸாா் வழக்குப் பதிவு செய்து நடத்திய விசாரணையில், சரவணனுக்கும், அவரது நண்பா் அஜித் என்பவருக்கும் கடந்த சில தினங்களுக்கு முன்பு மது அருந்தியபோது தகராறு ஏற்பட்டுள்ளது. இந்த முன்விரோதம் காரணமாக திங்கள்கிழமை சரவணனை அஜித் மற்றும் அவரது கூட்டாளிகள் மது பாட்டிலால் குத்திக் கொலை செய்தது தெரியவந்தது.

இதையடுத்து, பழைய வண்ணாரப்பேட்டையைச் சோ்ந்த அஜித் (27), வினோத் (36), வியாசா்பாடியைச் சோ்ந்த சந்தீப் (39), பழைய வண்ணாரப்பேட்டையைச் சோ்ந்த வசந்த் (28) ஆகிய 4 பேரை போலீஸாா் கைது செய்து சிறையில் அடைத்தனா்.