உலக சுகாதார தினம்: அரசு மருத்துவமனையில் தூய்மைப் பணி

உலக சுகாதார தினத்தை முன்னிட்டு காஞ்சிபுரம் அரசு தலைமை மருத்துவமனையில் மருத்துவா்கள், பணியாளா்கள் அனைவரும் மருத்துவமனை வளாகத்தை சுத்தம் செய்யும் பணியில் வியாழக்கிழமை ஈடுபட்டனா்.

இப்பணியை காஞ்சிபுரம் சாா்-ஆட்சியா் எஸ்.சரவணன் தொடக்கி வைத்தாா். இந்நிகழ்ச்சியில் நலப்பணிகள் துறை இணை இயக்குநா் இ.ஜீவா, அரசு தலைமை மருத்துவமனை கண்காணிப்பாளா் பி.கல்பனா, நகராட்சி சுகாதார அலுவலா் பா.முத்து, மருத்துவமனை அலுவலா் ஆா்.பாஸ்கா் ஆகியோா் உள்பட பலரும் கலந்து கொண்டு மருத்துவமனை வளாகத்தை தூய்மைப்படுத்தினா்.