Enable Javscript for better performance
கழிவு நீரில் கலந்து வீணாகும் குடிநீர்- Dinamani

உடனுக்கு உடன் செய்திகள்


    கழிவு நீரில் கலந்து வீணாகும் குடிநீர்

    By DIN  |   Published On : 05th May 2019 12:34 AM  |   Last Updated : 05th May 2019 12:34 AM  |  அ+அ அ-  |  

    ஸ்ரீபெரும்புதூர் அருகே செங்காடு ஊராட்சியில் குடிநீர்க் குழாய்களை முறையாக பராமரிக்காததால், குடிநீர் கசிந்து கழிவுநீர் கால்வாயில் கலந்து வீணாகி வருவதாக அப்பகுதி மக்கள் புகார் தெரிவிக்கின்றனர்.
     செங்காடு ஊராட்சியில் சுமார் 2 ஆயிரத்துக்கும் மேற்பட்டோர் வசிக்கின்றனர். இப்பகுதி மக்களுக்கு ஊராட்சி நிர்வாகத்தின் சார்பாக மேல்நிலை நீர்தேக்கத் தொட்டி அமைக்கப்பட்டு, குழாய்கள் மூலம் குடிநீர் விநியோகம் செய்யப்பட்டு வருகிறது.
     இதுவரை, காலையும் மாலையும் சுமார் 2 மணி நேரம் குடிநீர் விநியோகம் செய்யப்பட்டது. சிலர் குடிநீர்க் குழாய்களை உடைத்து தண்ணீர் பிடித்தனர். உடைந்த குழாய்களை ஊராட்சி நிர்வாகம் சீரமைக்காததால் குடிநீர் தினமும் வீணாக வெளியேறி கழிவுநீர்க் கால்வாயில் கலந்து வருகிறது. இதுகுறித்து சமூக ஆர்வலர்கள் கூறியது:
     செங்காடு பகுதியில் குடிநீர் ஆதாரம் அதிக அளவில் உள்ளதால் ஊராட்சி நிர்வாகத்தின் சார்பாக போதுமான குடிநீர் விநியோகம் செய்யப்பட்டு வருகிறது.
     இதை மீறி சிலர் தங்களது வீடுகளுக்கு அருகில் உள்ள குழாய்களை உடைத்து தண்ணீர் பிடித்து வருகின்றனர். இதனால் குழாய்களை மூடமுடியாததால் குடிநீர் வீணாகி வருகிறது. எனவே குடிநீர்க் குழாய்களை உடைத்தவர்களுக்கு அபராதம் விதிக்க வேண்டும். பின்னர் ஊராட்சி நிர்வாகத்தினர் குழாய்களைப் பராமரித்து குடிநீர் வீணாவதைத் தடுக்க வேண்டும் என்றனர்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
    • அதிகம் பகிரப்பட்டவை
    kattana sevai
    flipboard facebook twitter whatsapp