காஞ்சிபுரம் திருமுறை அருட்பணி அறக்கட்டளை சாா்பில் ‘விநாயகா், முருகன் மற்றும் சிவன் வழிபாட்டு அருள்மலா்’ என்ற நூல் ஞாயிற்றுக்கிழமை வெளியிடப்பட்டது.
காஞ்சிபுரத்தில் செயல்படும் திருமுறை அருட்பணி அறக்கட்டளையின் 16-ஆம் ஆண்டு விழா, அரசு நகரில் உள்ள தனியாா் திருமண மண்டபத்தில் நடைபெற்றது. விழாவுக்கு உளுந்தூா்பேட்டை அப்பா் சுவாமிகள் திருமடத்தின் சைவ ஆதீனம் சிவஞான தேசிக சுவாமிகள் தலைமை வகித்தாா். காஞ்சிபுரம் வீரசைவ மடத்தின் பீடாதிபதி வீரேஸ்வர தேசிகேந்திர சுவாமிகள் முன்னிலை வகித்தாா்.
அறக்கட்டளையின் நிறுவனா் சு.சதாசிவம் வரவேற்று, ஆண்டறிக்கை வாசித்து உரையாற்றினாா். விழாவில் மதுராந்தகம் திருக்கு பீடத்தைச் சோ்ந்த குருபழநி அடிகள் விநாயகா், முருகன் மற்றும் சிவன் வழிபாட்டு அருள்மலரை வெளியிட அதை உளுந்தூா்பேட்டை சிவஞான தேசிக சுவாமிகள் பெற்றுக் கொண்டாா்.
இதையடுத்து, கயப்பாக்கம் சதாசிவச் செட்டியாா் நினைவு திருமுறைப் பரிசு மற்றும் பொற்கிழியை தமிழ்ப் புலவா்களுக்கு ஓதுவா மூா்த்திகள் அறக்கட்டளையின் அறங்காவலா்கள் பி.சி.பி.ராஜகோபால், எம்.பெருமாள், ஓ.எம்.பாலகிருஷ்ணன் ஆகியோா் வழங்கினா்.
திருமுறை ஒப்பித்தல் போட்டியில் வெற்றி பெற்ற மாணவ, மாணவியருக்கு வழக்குரைஞா் ஏ.ஜோதி, டி.எஸ்.உமாசங்கா், யு.பரிமளா ஆகியோா் பரிசு வழங்கினா். மயிலாடுதுறை சொ.சிவக்குமாா் குழுவினரின் திருமுறை இன்னிசையும், பிள்ளைத்தமிழ் என்ற தலைப்பில் பேராசிரியா் புரிசை ச.நடராசன் தலைமையில் கருத்தரங்கமும் நடைபெற்றது. முன்னதாக இடபக் கொடி ஏற்றுதல் நிகழ்வும், குத்து விளக்கேற்றுதலும் நடைபெற்றன.
விழாவில் அறக்கட்டளையின் நிா்வாகிகள், பேராசிரியா்கள், சைவ சமயப் பெரியோா்கள் உள்ளிட்டோா் கலந்து கொண்டனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.