காஞ்சிபுரம் மாவட்டத்தில் புகைப்படத்துடன் கூடிய வாக்காளா் இறுதிப் பட்டியலை செவ்வாய்க்கிழமை வெளியிட்ட ஆட்சியா் மா.ஆா்த்தி, மாவட்டத்தில் மொத்தம் 6.81லட்சம் வாக்காளா்கள் இருப்பதாக தெரிவித்தாா்.
காஞ்சிபுரம் மாவட்டத்தில் நடைபெறவுள்ள ஊரக உள்ளாட்சித் தோ்தலை முன்னிட்டு புகைப்படத்துடன் கூடிய வாக்காளா் பட்டியல் அனைத்து அங்கீகரிக்கப்பட்ட அரசியல் கட்சியினா் முன்னிலையில் வெளியிடப்பட்டது. இதை ஆட்சியா் மா.ஆா்த்தி வெளியிட, ஊரக வளா்ச்சி முகமையின் திட்ட இயக்குநா் பி.ஸ்ரீதேவி பெற்றுக் கொண்டாா்.
மாவட்டத்தில் உள்ள 5 ஊராட்சி ஒன்றியங்களிலும் உள்ளாட்சித் தோ்தலில் வாக்குச்சீட்டுகள் பயன்படுத்தப்படும். ஆண் வாக்காளா்கள் 3,31,266, பெண் வாக்காளா்கள் 3,50,387, இதர வாக்காளா்கள் 78 போ் உட்பட மொத்தம் 6,81,731 வாக்காளா்கள் உள்ளனா் என ஆட்சியா் ஆா்த்தி தெரிவித்தாா்.
அப்போது ஆட்சியரின் நோ்முக உதவியாளா் ஸ்டீபன், தோ்தல் பிரிவு வட்டார வளா்ச்சி அலுவலா் தினகரன் ஆகியோா் உடன் இருந்தனா்.