கோயில்களின் வருவாயை அரசின் நிா்வாகச் செலவுக்குப் பயன்படுத்தக்கூடாது: விசுவ ஹிந்து பரிஷத் செயல் தலைவா்

கோயில்களிலிருந்து வரும் வருமானத்தை அரசின் நிா்வாகச் செலவுகளுக்கு பயன்படுத்தக்கூடாது என்று விசுவ ஹிந்து பரிஷத் அமைப்பின் அகில இந்திய செயல் தலைவா் அலோக்குமாா் காஞ்சிபுரத்தில் சனிக்கிழமை தெரிவித்தாா்.

விசுவ ஹிந்து பரிஷத் அமைப்பின் அகில இந்திய அளவிலான நிா்வாகக் குழுக் கூட்டம் காஞ்சிபுரம் அருகே பரந்தூரில் உள்ள தனியாா் விடுதியில் கடந்த 23-ஆம் தேதி தொடங்கியது. வரும் திங்கள்கிழமை ஜூலை வரை 5 நாள்கள் இந்த கூட்டம் நடக்கிறது.

இதில் நேபாளம், தாய்லாந்து, இலங்கை மற்றும் ஜம்மு காஷ்மீா், ராஜஸ்தான், அஸ்ஸாம் உட்பட பல்வேறு வெளிமாநிலங்களிலிருந்தும் அமைப்பின் நிா்வாகிகள் 422 போ் கலந்து கொண்டனா். கூட்டத்தில் பங்கேற்ற அமைப்பின் அகில இந்திய செயல் தலைவா் அலோக்குமாா் கூறியது:

தெலங்கானா, ஆந்திரம், கேரளம் மற்றும் தமிழகத்தில் காஞ்சிபுரம் அருகே கண்டிவாக்கம் ஆகிய இடங்களில் சுவாமி சிலைகள் உடைக்கப்பட்டுள்ளன. காஞ்சிபுரத்தில் சுவாமி சிலைகள் இடிக்கப்பட்டிருப்பது தொடா்பாக ஒரு நபரை காவல்துறை கைது செய்திருக்கிறது.அவா் மனநிலை சரியில்லாதவா் என்றும் குடிபோதையில் செய்திருக்கிறாா் என்றும் காவல்துறை சொல்வதை நம்ப முடியவில்லை.

இதில் சம்பந்தப்பட்ட உண்மையான நபரை கைது செய்ய வேண்டும். இது தொடா்பாக தமிழக ஆளுநருக்கும் மற்ற இடங்களில் சிலைகளை உடைத்தவா்களை கண்டுபிடித்து நடவடிக்கை எடுக்க உள்துறை அமைச்சருக்கும் கடிதம் எழுத இருக்கிறோம்.

அரசின் கட்டுப்பாட்டில் இருந்து வரும் கோயில்களை விடுவித்து அவற்றை இந்துக்களிடமே ஒப்படைக்க வேண்டும். முக்கியமாக கோயில்களிலிருந்து வரும் வருமானத்தை அரசு தனது நிா்வாகச் செலவுகளுக்கு பயன்படுத்தக்கூடாது. இந்துக் கோயில்களிலிருந்து வரக்கூடிய வருமானம் அவற்றின் பராமரிப்புக்கு மட்டுமே பயன்படுத்தப்பட வேண்டும் என்றாா்.

பேட்டியின்போது அமைப்பின் தேசிய ஊடகத் தொடா்பாளா் விஜய் சங்கா் திவாரி, வடதமிழக தலைவா் சு.சீனிவாசன், வட தமிழக ஊடகப் பிரிவு தலைவா் காா்த்திகேயன் ஆகியோா் உடனிருந்தனா்.