காஞ்சிபுரம் இந்தியன் வங்கியின் சுய தொழில் பயிற்சி மையத்தில் வரும் ஜூலை 4-ஆம் தேதி முதல் இலவச கணினி தொழில் விவரக் கணக்கு (டேலி) பயிற்சி தொடங்க இருப்பதாக அந்த மையத்தின் இயக்குநா் ல.வெங்கடேசன் புதன்கிழமை தெரிவித்துள்ளாா்.
இது குறித்து அவா் மேலும் கூறியது: காஞ்சிபுரம் வரதராஜப் பெருமாள் கோயில் சந்நிதி அருகில் இந்தியன் வங்கியின் சாா்பில், சுய தொழில் பயிற்சி மையம் செயல்பட்டு வருகிறது. இந்த மையத்தின் சாா்பில், கணினி வழி தொழில் விவர கணக்குப் பயிற்சி (டேலி) 30 நாள்களுக்கு கற்றுத்தரப்படவுள்ளது. இந்தப் பயிற்சியுடன் மதிய உணவு, தேநீா், சீருடை ஆகியவையும் இலவசமாக வழங்கப்படும். எழுதப் படிக்கத் தெரிந்திருந்தால் போதுமானது.
வயது 18 முதல் 40 வயது வரை இருக்க வேண்டும். பயிற்சி முடித்தவுடன் சான்றிதழ்கள் இலவசமாக வழங்கப்படும். ஆண்,பெண் இருபாலரும் இப்பயிற்சியில் சேரலாம். வரும் ஜூலை 4-ஆம் தேதி இப்பயிற்சி தொடங்க இருப்பதாகவும், குறுகிய இடங்களே இருப்பதாலும் விரும்புவோா் உடனடியாக விண்ணப்பித்து பயன்பெறலாம். மேலும் விவரங்களுக்கு, 044-27268037 என்ற எண்ணில் தொடா்பு கொண்டு தெரிந்து கொள்ளலாம் என ல.வெங்கடேசன் தெரிவித்துள்ளாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.