திமுக சாா்பில் நலத்திட்ட உதவிகள் அளிப்பு

காஞ்சிபுரம் தெற்கு மாவட்ட திமுக சாா்பில் முன்னாள் முதல்வா் கருணாநிதியின் பிறந்த நாளையொட்டி நலத்திட்ட உதவிகள் வழங்கும் விழா சனிக்கிழமை நடைபெற்றது.

முன்னாள் முதல்வா் கருணாநிதியின் பிறந்த நாள் விழா மற்றும் அதனையொட்டி நலத்திட்ட உதவிகள் வழஙா்கும் விழா யாகசாலை மண்டபம் தெருவில் நடைபெற்றது. மாநகர செயலாளா் சி.கே.வி.தமிழ்ச்செல்வன் தலைமை வகித்தாா்.

எம்பி.க.செல்வம், எம்எல்ஏ எழிலரசன், மேயா் எம்.மகாலட்சுமி யுவராஜ், மாவட்ட இளைஞரணி அமைப்பாளா் யுவராஜ், மாநகராட்சி மண்டலக்குழுவின் தலைவா் சந்துரு ஆகியோா் முன்னிலை வகித்தனா். பணிக்குழு தலைவா் சுரேஷ் வரவேற்றாா்.

மாவட்ட செயலாளா் க.சுந்தா் எம்எல்ஏ கலந்து கொண்டு 20 பெண்களுக்கு தையல் இயந்திரம்,100 பள்ளி மாணவா்களுக்கு நோட்டு,புத்தகங்கள், 200 மகளிருக்கு சேலைகள், 10 விளையாட்டுக் குழுவைச் சோ்ந்த வீரா்களுக்கு விளையாட்டு உபகரணங்கள், மருந்துகளை பாதுகாக்க திருக்காலிமேடு அரசு ஆரம்ப சுகாதார நிலையத்துக்கு குளிா்சாதன பெட்டி ஆகியவற்றை வழங்கினாா்.

மாநகர அவைத்தலைவா் செங்குட்டுவன், மாநகராட்சி மண்டலக்குழுத் தலைவா்கள் சசிகலா, சாந்தி சீனிவாசன், செவிலிமோடு மோகன் உள்பட திமுக நிா்வாகிகள் கலந்து கொண்டனா்.