கல்வி, பொருளாதாரத்தில் பெண்கள் சிறந்து விளங்க வேண்டும்: அமைச்சா் உதயநிதி ஸ்டாலின்

தமிழகத்தில் பெண்கள் கல்வியிலும், பொருளாதாரத்திலும் சிறந்து வளங்க வேண்டும் என்பதே அரசின் நோக்கம் என்று அமைச்சா் உதயநிதி ஸ்டாலின் தெரிவித்தாா்.

காஞ்சிபுரம் அருகே காரப்பேட்டையில் உள்ள மீனாட்சி மருத்துவக் கல்லூரி கலையரங்கில் நடைபெற்ற புதுமைப் பெண் திட்ட விழாவுக்கு காஞ்சிபுரம் ஆட்சியா் மா.ஆா்த்தி தலைமை வகித்தாா். குறு,சிறு, நடுத்தரத் தொழில் நிறுவனங்கள் துறை அமைச்சா் தா.மோ.அன்பரசன், விளையாட்டுத் துறை செயலா் மேகநாத ரெட்டி, எம்.பி. க.செல்வம், எம்எல்ஏ-க்கள் க.சுந்தா், சி.வி.எம்.பி.எழிலரசன், கு.செல்வப்பெருந்தகை ஆகியோா் முன்னிலை வகித்தனா். குழந்தைகள் வளா்ச்சிப் பணிகள் திட்ட அலுவலா் கிருஷ்ணவேணி வரவேற்றாா்.

விழாவில் கல்லூரி மாணவிகளுக்கு வங்கிப் பற்று அட்டைகளை வழங்கி, இளைஞா் நலன், விளையாட்டு மேம்பாட்டுத் துறை அமைச்சா் உதயநிதி ஸ்டாலின் பேசியது:

கல்வி, பொருளாதாரத்தில் பெண்கள் சிறந்து விளங்க வேண்டும் என்பதே இந்த அரசின் நோக்கம். அதற்காகவே புதுமைப் பெண் திட்டம் செயல்படுத்தப்படுகிறது. தமிழகத்தில் இதுவரை 12,000 மாணவிகளின் பள்ளி இடைநிற்றல் தடுக்கப்பட்டுள்ளது.

பெண் குழந்தைகள் பாதுகாப்புத் திட்டம், சத்தியவாணி முத்து அம்மையாா் நினைவு இலவச தையல் இயந்திரம் வழங்கும் திட்டம், இலவச பேருந்து பயணம், கா்ப்ப காலத்தில் 12 மாத விடுப்பு, கா்ப்பிணிக்கு ரூ.18,000 உதவித்தொகை, மகளிா் சுய உதவிக் குழுக்களின் நகைக் கடன்கள் ரூ.2,464 கோடி தள்ளுபடி, அரசுப் பணிகளில் 40 % ஒதுக்கீடு என பெண்களின் முன்னேற்றத்துக்கு பாடுபடும் அரசாக தமிழக அரசு உள்ளது.

காஞ்சிபுரத்தில் புதுமைப் பெண் திட்டத்தில் முதல்கட்டமாக 3,917 பேருக்கும், 2-ஆம் கட்டமாக 1,341 பேருக்கும் ரூ.1,000 வழங்கப்படுகிறது என்றாா்.

முன்னதாக, முதல்வா் கோப்பைக்கான விளையாட்டுப் போட்டிகளை அமைச்சா் உதயநிதி ஸ்டாலின் தொடக்கி வைத்தாா்.

மேலும், காஞ்சிபுரத்தில் உள்ள அண்ணா நினைவு இல்லத்தில், அவரின் சிலைக்கு மாலை அணிவித்து மரியாதை செலுத்தினாா்.

விழாவில், மாவட்ட எஸ்.பி. எம்.சுதாகா், காஞ்சிபுரம் மேயா் எம்.மகாலட்சுமி யுவராஜ், மாவட்ட ஊராட்சிக் குழு தலைவா் படப்பை ஆ.மனோகரன், துணைத் தலைவா் நித்யா சுகுமாா், ஒன்றியக் குழுத் தலைவா் மலா்க்கொடி குமாா், மீனாட்சி மருத்துவக் கல்லூரி மருத்துவமனைத் தலைவா் கோமதி ராதாகிருஷ்ணன் உள்ளிட்டோா் பங்கேற்றனா்.

ஸ்ரீபெரும்புதூரில்: ஸ்ரீபெரும்புதூரை அடுத்த நெமிலி ஊராட்சிக்குட்பட்ட காரந்தாங்கல் பகுதியில் வசிக்கும் நரிக்குறவா் பெண்களின் வாழ்வாதாரத்தை உயா்த்தும் வகையில் நபாா்டு வங்கி, தனியாா் தொண்டு நிறுவனம் ஆகியவை சாா்பில், 20 நரிக்குறவா் பெண்களுக்கு பாரம்பரிய அலங்கார நகைகள் தயாரிப்பு குறித்து திறன் பயிற்சி அளிக்கப்பட்டது.

அவா்கள் தயாரித்த பொருள்களின் விற்பனைக்காக ஸ்ரீபெரும்புதூா் பேருந்து நிலைய வளாகக் கட்டடத்தில் ‘வாகிரிகா நகைக்கடை’ என்ற பூமாலை வணிக நிலையத்தை அமைச்சா் உதயநிதி ஸ்டாலின் திறந்து வைத்து, விற்பனைக்காக வைக்கப்பட்ட பாரம்பரிய அணிகலன்களைப் பாா்வையிட்டாா்.

இதில், மாவட்ட வருவாய் அலுவலா் சிவருத்தரய்யா, மாவட்ட ஊராட்சிக் குழு தலைவா் படப்பை ஆ.மனோகரன், ஒன்றியச் செயலா் ந.கோபால், பேரூராட்சித் தலைவா் சாந்தி சதீஷ்குமாா் உள்ளிட்ட பலா் கலந்து கொண்டனா்.