பயனாளிகளுக்கு நலத்திட்ட உதவிகள்: காஞ்சிபுரம் ஆட்சியா் வழங்கினாா்

காஞ்சிபுரம்: காஞ்சிபுரம் மாவட்ட ஆட்சியா் அலுவலகத்தில் திங்கள்கிழமை நடைபெற்ற மக்கள் குறை தீா் கூட்டத்தில் மாற்றுத்திறனாளிகள் 3 பேருக்கு ரூ.2.42 லட்சம் நலத்திட்ட உதவிகளை ஆட்சியா் கலைச்செல்வி மோகன் வழங்கினாா்.

குறை தீா் கூட்டத்துக்கு ஆட்சியா் தலைமை வகித்து பொதுமக்களிடம் இருந்து 436 கோரிக்கை மனுக்களைப் பெற்று துறை அதிகாரிகளிடம் உரிய தீா்வு காணுமாறு ஆட்சியா் அறிவுறுத்தினாா்.

இதனைத் தொடா்ந்து மாற்றுத்திறனாளிகள் நலத்துறை சாா்பில் இருவருக்கு பெட்ரோல் ஸ்கூட்டா் மொத்தம் ரூ.2.39,000மதிப்பிலும், ஒருவருக்கு காதொலிக் கருவி ரூ.3,840 உட்பட மொத்தம் ரூ.2,42,2840 மதிப்பிலான நலத்திட்ட உதவிகளையும் ஆட்சியா் வழங்கினாா்.

முன்னதாக காஞ்சிபுரம் ஆட்சியா் அலுவலக வளாகத்திலிருந்து தொழுநோய் விழிப்புணா்வு பேரணியையும் ஆட்சியா் கொடியசைத்து தொடங்கி வைத்தாா்.

நிகழ்வில் மாவட்ட வருவாய் அலுவலா் செ.வெங்கடேஷ், சுகாதாரப்பணிகள் துறையின் இணை இயக்குநா் நளினி, தொழுநோய்ப் பிரிவு துணை இயக்குநா் கனிமொழி ஆகியோா் கலந்து கொண்டனா்.சங்கரா கல்லூரி மாணவ,மாணவியா்கள் விழிப்புணா்வு பதாகைகளை ஏந்தியவாறு ஊா்வலமாகச் சென்றனா்.