திருப்பாற்கடல் கோயில் சொா்க்கவாசல் திறப்பு: கட்டுப்பாடுகளைப் பின்பற்ற வேண்டுகோள்

ராணிப்பேட்டை: வைகுண்ட ஏகாதசியை முன்னிட்டு, திருப்பாற்கடல் பிரசன்ன வெங்கடேசப் பெருமாள் கோயிலில் சுவாமி தரிசனம் செய்ய பக்தா்கள் மற்றும் பொதுமக்கள் கரோனா பரவல் தடுப்பு கட்டுப்பாடுகளைப் பின்பற்ற வேண்டும் என ராணிப்பேட்டை மாவட்ட ஆட்சியா் ஏ.ஆா்.கிளாஸ்டன் புஷ்பராஜ் கேட்டுக் கொண்டுள்ளாா்.

இது தொடா்பாக அவா் புதன்கிழமை வெளியிட்ட செய்திக் குறிப்பு:

வாலாஜா வட்டம், திருப்பாற்கடல் பிரசன்ன வெங்கடேசே பெருமாள் கோயில் வைகுண்ட ஏகாதசியை முன்னிட்டு, வெள்ளிக்கிழமை (டிச. 25) சொா்க்கவாசல் திறப்பு வைபவம் நடைபெற உள்ளது. இந்த விழாவின் முதல் நாள் இரவு கோயிலில் தங்கியிருந்து அதிகாலை சொா்க்கவாசல் திறப்பைக் காண பொதுக்கள் மற்றும் பக்தா்களுக்கு அனுமதி மறுக்கப்படுகிறது.

கரோனா பரவல் தடுப்பு நடவடிக்கை நடைமுறையில் உள்ளதால், அரசு அறிவித்துள்ள வழிகாட்டு நெறிமுறைகளைக் கடைப்பிடிக்க வேண்டும். சொா்க்கவாசல் திறப்பு மற்றும் அது தொடா்பான சிறப்பு பூஜை முடிந்ததும், சொா்க்கவாசல் மற்றும் சுவாமி தரிசனத்துக்காக அதிகாலை 5 மணி முதல் ஒரு மணிநேரத்துக்கு 200 போ் வீதம் பொதுமக்களும் பக்தா்களும் அனுமதிக்கப்படுவா்.

சுவாமி தரிசனம் செய்ய விரும்புவோா் இந்து சமய அறநிலையத் துறையின் இணையதளத்தில் முன்கூட்டியே விண்ணப்பித்து, அனுமதி பெற்றுக் கொள்ள வேண்டும். அனுமதி பெறாதவா்களுக்கு தரிசன அனுமதி இல்லை.

மேலும், முகக்கவசம் அணிவது, உடல் வெப்பப் பரிசோதனை செய்து கொள்வது, சமூக இடைவெளியைப் பின்பற்றுவது ஆகிய அனைத்து நடைமுறைகளையும் பின்பற்ற வேண்டும். இவற்றை மீறுவோா் உடனடியாக வெளியேற்றுப்படுவா்.

கோயிலில் தரிசனத்துக்கு மட்டுமே அனுமதி உண்டு, அா்ச்சனை செய்யவும், பிரசாதம் பெறவும் அனுமதியில்லை. வைகுண்ட ஏகாதசி விழா சுமுகமாக நடைபெற மாவட்ட நிா்வாகத்துக்கு அனைவரும் ஒத்துழைப்பு நல்க வேண்டும்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...