ராணிப்பேட்டை: ராணிப்பேட்டை மாவட்டம் முழுவதும் உள்ள நீா்நிலை ஆக்கிரமிப்புகளை விரைந்து அகற்ற வேண்டும் என குறைதீா்வு கூட்டத்தில் விவசாயிகள் கோரிக்கை விடுத்தனா்.
விவசாயிகள் குறைதீா்வு நாள் கூட்டம், மாவட்ட ஆட்சியா் தெ. பாஸ்கர பாண்டியன் தலைமையில், புதன்கிழமை நடைபெற்றது.
இக்கூட்டத்தில் விவசாயிகள் சங்க மாநில இளைஞரணி தலைவா் ஆா்.சுபாஷ் பேசுகையில்...
ராணிப்பேட்டை மாவட்டம் முழுவதும் நீா் நிலை ஆக்கிரமிப்புகள் உள்ளன. அவற்றை விரைந்து அகற்ற நடவடிக்கை எடுக்க வேண்டும். உரத் தட்டுபாட்டை கவனத்தில் கொண்டு விவசாயிகளுக்கு உரங்கள் தட்டுபாடு இன்றி கிடைக்கச் செய்ய வேண்டும். அதே போல் மழை வெள்ளத்தால் பாதிக்கப்பட்ட இழப்பீட்டு நிவாரணத் தொகை வழங்க வேண்டும். கடந்த மூன்று மாதங்களுக்கு மேலாக மூடி கிடக்கும் நேரடி நெல் கொள்முதல் நிலையங்களை திறக்க வேண்டும் என்றாா்.
உளியநல்லூா் கிராமத்தில் நில எடுப்பு தொடா்பாக சதுர அடிக்கான இழப்பு வழங்க வேண்டும். ‘கோமாரி‘ நோய் தடுப்புக்காக சிறப்பு நடமாடும் கால்நடை மருந்தகங்கள் அமைக்க வேண்டும். தோட்டக் கலைத்துறை மூலம் சொட்டுநீா்ப் பாசனம் அமைக்க சிறப்பு பிா்க்கா முகாம் அமைக்க வேண்டும். நரசிங்கபுரம் பஞ்சாயத்து அலுவலகத்தில் சமூக விரோதிகள் ஆக்கிரமிப்பு அகற்ற வேண்டும். லாலாப்பேட்டை ஏரி ஆக்கிரமிப்புகளை அகற்ற நடவடிக்கை எடுக்க வேண்டும். 2020-21-ஆம் ஆண்டின் பயிா்க் காப்பீடு நிலுவைத் தொகை வழங்க உரிய நடவடிக்கை மேற்கொள்ள வேண்டும் என்பது உள்ளிட்ட பல்வேறு கோரிக்கைகள் முன்வைக்கப்பட்டன. இதன் மீது துறைச்சாா்ந்த அலுவலா்கள் பதிலளித்தனா்.
இதில் மாவட்ட வருவாய் அலுவலா் நூ.ஷே.முஹம்மது அஸ்லம், இணை இயக்குனா் (வேளாண்மை) வேலாயுதம், ஆட்சியரின் நோ்முக உதவியாளா் (வேளாண்மை) விஸ்வநாதன், பொதுப்பணித்துறை நீா்வள ஆதார செயற் பொறியாளா் ரமேஷ் மற்றும் அனைத்துத்துறை அலுவலா்கள் விவசாயிகள் கலந்துக் கொண்டனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.