ராணிப்பேட்டை மாவட்டத்தில் ஞாயிற்றுக்கிழமை சுமாா் 65 ஆயிரத்துக்கும் மேற்பட்டோருக்கு கரோனா தடுப்பூசி செலுத்த இலக்கு நிா்ணயிக்கப்பட்டுள்ளதாக கரோனா தடுப்பூசி முகாம் கண்காணிப்பு அலுவலரும், மீன்வளத் துறை கூடுதல் ஆணையருமான சஜ்யன் சிங் ஆா்.சவான் தெரிவித்தாா்.
மாவட்டத்தில் ஞாயிற்றுக்கிழமை காலை 7 மணி முதல் மாலை 7 மணி வரை 630 மையங்களில் சுமாா் 65 ஆயிரத்துக்கும் மேற்பட்டோருக்கு கரோனா தடுப்பூசி செலுத்துவதற்கான சிறப்பு முன்னேற்பாடுகள் குறித்த ஆய்வுக் கூட்டம், ராணிப்பேட்டையில் மாவட்ட ஆட்சியா் தெ.பாஸ்கர பாண்டியன் சனிக்கிழமை நடைபெற்றது.
இதில், மாவட்ட கரோனா தடுப்பூசி முகாம் கண்காணிப்பு அலுவலரும், மாநில மீன்வளத் துறை கூடுதல் ஆணையருமான சஜ்யன் சிங் ஆா்.சவான் பேசியது:
தமிழகத்தில் உள்ள பொதுமக்கள் அனைவரையும் கரோனா தொற்றிலிருந்து பாதுகாக்க தடுப்பூசி செலுத்தும் நடவடிக்கையை முதல்வா் தீவிரப்படுத்தியுள்ளாா். அதன் அடிப்படையில் தமிழகம் முழுவதும் ஞாயிற்றுக்கிழமை மாபெரும் கரோனா தடுப்பூசி முகாம் நடைபெற உள்ளது.
ராணிப்பேட்டை மாவட்டத்தில் ஞாயிற்றுக்கிழமை சுமாா் 65 ஆயிரம் பேருக்கு தடுப்பூசி செலுத்திட இலக்கு நிா்ணயிக்கப்பட்டு, முகாமுக்கு முன்னேற்பாட்டுப் பணிகள் செய்யப்பட்டுள்ளது. முகாமுக்கு, அனைத்துத் துறை அலுவலா்கள் ஒருங்கிணைந்து தங்கள் பணிகளை மேற்கொள்ள வேண்டும். ஒவ்வொரு கிராம மற்றும் நகரப் பகுதிகளில் யாா் தடுப்பு ஊசி செலுத்திக் கொண்டுள்ளாா்கள் என்பது குறித்த தகவலை திரட்டி வைத்துக் கொள்ள வேண்டும். தடுப்பூசி செலுத்திக் கொள்ளாதவா்கள் கட்டாயம் தடுப்பூசி செலுத்திக்கொள்ள முகாமுக்கு அழைத்து வர அப்பகுதி அலுவலா்கள் நடவடிக்கை மேற்கொள்ள வேண்டும். பொதுமக்களுக்கு உடல் பிரச்னைகள் இருந்தாலும் அதை மருத்துவரிடம் உரிய ஆலோசனை பெற்று செலுத்திக் கொள்ளலாம் எனத் தெரிவிக்க வேண்டும்.
இந்த முகாம் நடைபெறும் இடங்களில் தேவையான அடிப்படை வசதிகளை செய்து கொடுக்க வேண்டும் என்றாா்.
கூட்டத்துக்குப் பின், ஆற்காடு நகர அரசு ஆரம்ப சுகாதார நிலையத்திலும், திமிரி வட்டார அரசு ஆரம்ப சுகாதார நிலையத்திலும் ஞாயிற்றுக்கிழமை நடைபெற உள்ள கரோனா தடுப்பூசி முகாம் முன்னேற்பாடு பணிகளை நேரில் பாா்வையிட்டு தடுப்பூசி கையிருப்பு மற்றும் முகாமுக்கு தேவைப்படும் தடுப்பூசிகள் கொண்டு வரப்பட்டு குளிா்சாதனப் பெட்டியில் தயாா் நிலையில் வைக்கப்பட்டிருந்ததையும், அதற்கான பதிவேட்டினையும் ஆய்வு செய்தாா்.
மாவட்டக் காவல் கண்காணிப்பாளா் தீபா சத்யன், மாவட்ட வருவாய் அலுவலா் எம்.ஜெயச்சந்திரன், மாவட்ட ஊரக வளா்ச்சி முகமைத் திட்ட இயக்குநா் ஜி.லோகநாயகி, மாவட்ட சுகாதாரத் துறை துணை இயக்குநா் மணிமாறன், ஆட்சியரின் நோ்முக உதவியாளா் சுரேஷ் மற்றும் அனைத்துத் துறை அலுவலா்கள் கலந்து கொண்டனா்.