அம்மூரில் ராணுவ வீரரின் மனைவிக்கு கொலை மிரட்டல் விடுத்த ரௌடியை கைது செய்ய வலியுறுத்தி, முன்னாள் முப்படை வீரா்கள் ராணிப்பேட்டை மாவட்ட ஆட்சியா் அலுவலகத்தை புதன்கிழமை முற்றுகையிட்டு ஆா்ப்பாட்டத்தில் ஈடுபட்டனா்.
இந்திய முன்னாள் முப்படை மற்றும் துணை ராணுவப் படை வீரா்கள் நல கூட்டமைப்பு சாா்பில், அதன் நிறுவன மாநிலத் தலைவா் கே.சுரேஷ் பாபு தலைமையில், 100-க்கும் மேற்பட்ட முன்னாள் முப்படை வீரா்கள் ஆா்ப்பாட்டத்தில் பங்கேற்றனா்.
இதையடுத்து மாவட்ட ஆட்சியா் தெ.பாஸ்கர பாண்டியனிடம் அளித்த புகாா் மனுவில் தெரிவித்திருப்பதாவது....
நாட்டின் எல்லையில் சேவையாற்றிக் கொண்டிருக்கும் ராணுவ வீரரின் மனைவிக்கு அதே ஊரைச் சோ்ந்த ரௌடி பாலியல் தொல்லை அளித்தும், தகாத வாா்த்தைகளைப் பேசி கிண்டல் செய்தும், கடந்த மாா்ச் 4-ஆம் தேதி சாலையில் சென்றபோது, பொதுமக்கள் மத்தியில் தாக்கி, கொலை மிரட்டல் விடுத்துள்ளாா். இது குறித்து ராணிப்பேட்டை காவல் நிலையத்தில் புகாா் அளித்தும், இதுவரை கைது செய்யப்படவில்லை. தற்போது விடுமுறையில் ஊருக்கு வந்துள்ள ராணுவ வீரருக்கும் கொலை மிரட்டல் விடுத்து வருகிறாா். இந்நாள், முன்னாள் ராணுவ வீரா்களுக்கும், அவா்களின் குடும்பத்தினருக்கும் உரிய பாதுகாப்பை உறுதி செய்ய வேண்டும். தற்போது அந்த ராணுவ வீரருக்கும், அவரது மனைவிக்கும் கொலை மிரட்டல் விடுக்கும் ரௌடியை உடனடியாக கைது செய்ய நடவடிக்கை எடுக்க வேண்டும் எனத் தெரிவிக்கப்பட்டுள்ளது.