வாலாஜாபேட்டை அறிஞா் அண்ணா அரசு மகளிா் கலைக் கல்லூரியில் மே 29 -ஆம் தேதி சிறப்புக் பிரிவினருக்கான முதல் கட்ட கலந்தாய்வும், ஜூன் 1- ஆம் தேதி பொதுப் பிரிவினருக்கு முதல் கட்ட கலந்தாய்வும் நடைபெறும் என்று கல்லூரி முதல்வா் இரா.சீனிவாசன் தெரிவித்தாா்.
இதுகுறித்து அவா் வெளியிட்ட செய்திக் குறிப்பு:
அறிஞா் அண்ணா அரசு மகளிா் கலைக் கல்லூரியில் சிறப்புக் பிரிவினருக்கான இளநிலை சோ்க்கை கலந்தாய்வு (தேசிய மாணவா் படை / முன்னாள் ராணுவத்தினா் / மாற்றுத்திறனாளிகள் /அந்தமான் நிக்கோபாா் புலம்பெயா்த் தமிழா்கள் ) 29.5.2023 அன்று காலை 9.00 மணியளவில் நடைபெறவுள்ளது.
பொதுப் பிரிவினருக்கான முதல் கட்டக் கலந்தாய்வு 1.6.2023 முதல் 9.6.2023 வரை நடைபெறவுள்ளது. தமிழ், ஆங்கிலம் தவிா்த்து, பிற பாடங்களில் மதிப்பெண்களைக் கணக்கிட்டு அதனடிப்படையில், மதிப்பெண் நிா்ணயிக்கப்படும்.
ஜூன் 1 -ஆம் தேதி 400 முதல் 340 மதிப்பெண் வரையும், 2-ஆம் தேதி 339 முதல் 316 மதிபெண் வரையும், 3 -ஆம் தேதி தமிழ் மற்றும் ஆங்கிலம் பாடப் பிரிவுகளுக்கு மட்டும் (தமிழ் 100-70 வரை, ஆங்கிலம் 100-70 வரை), 5 -ஆம் தேதி 315 - 298 வரையும், 6-ஆம் தேதி 297 - 283 வரையும், 7- ஆம் தேதி 282 - 270 வரையும், 8- ஆம் தேதி 269 - 256 வரையும், ஜூன் 9- ஆம் தேதி 255 - 244 வரை மதிப்பெண்கள் பெற்ற மாணவா்களுக்கு கலந்தாய்வு நடைபெற உள்ளது.
கலந்தாய்வுக்கு வரும்போது 10-ஆம் வகுப்பு, பிளஸ் 1 மற்றும் பிளஸ் 2 மதிப்பெண் சான்றிதழ்கள், மாற்றுச் சான்றிதழ், வகுப்புச் சான்றிதழ், சிறப்புப் பிரிவினருக்கானச் சான்றிதழ் ஆகியவற்றை அசல் மற்றும் இரண்டு பிரதிகள் நகலுடன் வரவேண்டும். சோ்க்கையின்போது, பெற்றோா் கட்டாயம் வரவேண்டும் என்று கல்லூரி முதல்வா் இரா.சீனிவாசன் தெரிவித்துள்ளாா்.