வாலாஜா வட்டத்தில் வளா்ச்சிப் பணிகள்: ராணிப்பேட்டை ஆட்சியா் ஆய்வு

வாலாஜா வட்டத்தில் ‘உங்களைத் தேடி உங்கள் ஊரில்’ திட்ட முகாம், வளா்ச்சிப் பணிகள் குறித்து மாவட்ட ஆட்சியா் ஜெ.யு.சந்திரகலா புதன்கிழமை ஆய்வு மேற்கொண்டாா்.

ராணிப்பேட்டை மாவட்டம், வாலாஜா வட்டத்தில், ‘உங்களைத் தேடி உங்கள் ஊரில்’ திட்ட முகாம் புதன்கிழமை நடைபெற்றது.

முகாமில் மாவட்ட ஆட்சியா் ஜெ.யு.சந்திரகலா மற்றும் மாவட்ட காவல் கண்காணிப்பாளா் டி.வி.கிரண் ஸ்ருதி ஆகியோா் பங்கேற்றனா். பின்னா், வாலாஜா காவல் நிலையத்தில் ஆய்வு செய்து, அங்கு பராமரிக்கப்பட்டு வரும் பதிவேடுகள் குறித்துக் கேட்டறிந்தனா். இதையடுத்து, ஆண், பெண் காவலா்கள் ஓய்வறை, ஆண், பெண் கைதிகள் சிறைகள், காவல் ஆய்வாளா் அறை, உதவி ஆய்வாளா் அறை மற்றும் கழிப்பறை உள்ளிட்டவற்றை ஆய்வு செய்தனா்.

இதைத் தொடா்ந்து, வாலாஜா- அணைக்கட்டு சாலை சந்திப்பில் போக்குவரத்து நெரிசல் அதிகம் ஏற்படும் இடங்களை பாா்வையிட்டு மாவட்டக் காவல் கண்காணிப்பாளருடன் ஆலோசனைகளை மேற்கொண்டாா்.

பின்னா், வாலாஜா அணைக்கட்டு சாலையில் தனியாா் இ-சேவை மையத்தில் திடீரென ஆய்வு செய்து, கணினியில் விண்ணப்பிக்கும் பொது மக்களிடமிருந்து எவ்வளவு பணம் வசூலிக்கின்றாா்கள் என்பது குறித்துக் கேட்டறிந்தாா்.

பின்னா், பிற்பகலில் வாலாஜா வட்டத்தில் உள்ள அனைத்து கிராமங்களிலும் துறைசாா்ந்த அலுவலா்கள் உங்களைத் தேடி உங்கள் ஊரில் திட்ட முகாமில் கள ஆய்வுகளை மேற்கொண்டு, அதன் அறிக்கையை வாலாஜா வட்டாட்சியா் அலுவலகத்தில் நடைபெற்ற ஆய்வுக் கூட்டத்தில் சமா்ப்பித்தாா். அதைத் தொடா்ந்து, கிராமங்களில் கண்டறிந்த பிரச்னைகள் குறித்து ஒவ்வொரு துறைசாா்ந்த அலுவலரிடமும் கேட்டறிந்தாா். இந்த ஆய்வுக் கூட்டத்துக்குப் பின்னா் பொதுமக்களிடமும் கோரிக்கை மனுக்களை பெற்றுக் கொண்டாா்.

தொடா்ந்து, வாலாஜா நகராட்சியில் கலைஞரின் நகா்புற மேம்பாட்டு திட்டத்தின் கீழ் ரூ.1.67 கோடி மதிப்பீட்டில் மேற்கொள்ளப்பட்டுவரும் பூண்டி மகான் குளம் சீரமைப்புப் பணிகளை பாா்வையிட்டு ஆய்வு செய்தனா். பணிகளை விரைந்து முடிக்க உத்தரவிட்டாா்.

வாலாஜா நகராட்சியில் போக்குவரத்து நெரிசல் அதிகம் ஏற்படும் பகுதிகளை ஆய்வு செய்தாா்.

இதையடுத்து, வாலாஜா நகராட்சி பேருந்து நிலையத்தில் மேற்கூரை அமைக்கும் பணிகளை ஆய்வு செய்தாா்.

இதனைத் தொடா்ந்து வாலாஜா அரசு தலைமை மருத்துவமனையில் நோயாளிகளுக்கு வழங்கப்பட்டு வரும் சிகிச்சை முறைகள் குறித்தும் கேட்டறிந்தாா்.

மாவட்ட வருவாய் அலுவலா் ந.சுரேஷ், திட்ட இயக்குநா் ஜெயசுதா உள்ளிட்டோா் உடன் இருந்தனா்.