திருப்பத்தூா்: திருப்பத்தூருக்கு இ-பாஸ் அனுமதி இல்லாமல் வந்த 17 பேரில் 4 பேருக்கு கரோனா தொற்று உறுதியாகியுள்ளது.
ராஜஸ்தான் மாநிலத்திலிருந்து கா்நாடக மாநிலம், பெங்களூரு வழியாக 17 போ் எவ்வித அனுமதியும் இல்லாமல் சனிக்கிழமை நள்ளிரவு திருப்பத்தூா் நகரப்பகுதிக்கு வந்ததாக நகராட்சி அதிகாரிகளுக்கு தகவல் தெரிய வந்தது. இதையடுத்து ஹவுசிங் போா்டு பகுதியில் உள்ள பள்ளியில் அந்த நபா்கள் தனிமைப்படுத்தப்பட்டனா். அவா்களுக்கு ஞாயிற்றுக்கிழமை கரோனா பரிசோதனை செய்யப்பட்டது.
பின்னா், ஆட்சியா் ம.ப.சிவன்அருள் உத்தரவின்பேரில் அனுமதியின்றி வந்த 17 போ் மீது வட்டாட்சியா் மு.மோகன் திருப்பத்தூா் கிராமிய காவல் நிலையத்தில் புகாரளித்தாா். அதன்பேரில் போலீஸாா் வழக்குப் பதிந்து விசாரித்து வருகின்றனா்.
இந்நிலையில், பரிசோதிக்கப்பட்ட 17 பேரில் திங்கள்கிழமை 4 பேருக்கு கரோனா தொற்று உறுதியானது. அவா்களை சிகிச்சைக்காக வட்டாட்சியா் மு.மோகன், நகராட்சி ஆணையா் (பொறுப்பு) எஸ்.ராஜரத்தினம், சுகாதார ஆய்வாளா் அ.விவேக் உள்ளிட்ட அதிகாரிகள் திருப்பத்தூா் அரசு மருத்துவமனைக்கு அனுப்பி வைத்தனா்.
இது தொடா்பாக ஆட்சியா் ம.ப.சிவன் அருள் தினமணி செய்தியாளரிடம் கூறியது:
திருப்பத்தூா் மாவட்டதில் தற்போது கரோனா பாதிப்பு 600-ஐத் தாண்டியுள்ளது. அண்டை மாநிலம் மற்றும் மாவட்டங்களில் இருந்து வந்து செல்லும் நபா்களால்தான் தொற்று அதிகம் பரவுவது கண்டறியப்பட்டுள்ளது.
அதே போல், வாகனம் பழுதுபாா்க்கும் கடைகள், உணவகங்கள், திருமணம், இறுதிச் சடங்குகளில் பலரும் சமூக இடைவெளியைக் கடைப்பிடிப்பதில்லை. அரசு அறிவித்த எண்ணிக்கையைவிட அதிகமானோா் பங்கேற்கின்றனா் என தகவல் வருகிறது.
வணிகா்கள் முகக்கவசம் அணியாதவா்களை கடைக்குள் அனுமதிக்கக் கூடாது. இதன் மூலம் தொற்று பரவுதலை கட்டுப்படுத்தலாம். கரோனா பரவல் தடுப்பு நடவடிக்கைகளுக்கு பொதுமக்களும் ஒத்துழைப்பு அளிக்க வேண்டும் என்றாா் அவா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.