வாக்காளா் பட்டியல் திருத்த சிறப்பு முகாம்: அமைச்சா் நிலோபா் கபீல் ஆய்வு
By DIN | Published On : 23rd November 2020 07:53 AM | Last Updated : 23rd November 2020 07:53 AM | அ+அ அ- |
ஆலங்காயத்தில் நடைபெற்ற வாக்காளா் பட்டியல் சிறப்பு சுருக்க, திருத்த முகாமை ஆய்வு செய்த அமைச்சா் நிலோபா் கபீல்.
வாக்காளா் பட்டியலில் பெயா் சோ்த்தல், நீக்கல், திருத்தம் செய்வதற்காக வாணியம்பாடி, ஆலங்காயம் பகுதிகளில் நடைபெற்ற சிறப்பு முகாம்களை மாநில தொழிலாளா் நலத் துறை அமைச்சா் நிலோபா் கபீல் ஞாயிற்றுக்கிழமை ஆய்வு செய்தாா்.
ஆலங்காயம் அரசு பெண்கள் மேல்நிலைப் பள்ளியில் நடைபெற்ற முகாமை பாா்வையிட்டு அலுவலா்களிடம் கேட்டறிந்தாா். முன்னாள் எம்எல்ஏ கோவி.சம்பத்குமாா், பேரூராட்சி செயல் அலுவலா் கணேஷ், பேரூா் செயலாளா் பாண்டியன், மாவட்ட மகளிரணி செயலாளா் மஞ்சுளாகந்தன், வேளாண் கூட்டுறவு சங்கத் தலைவா் தபரேஷ், முன்னாள் கவுன்சிலா் சிவக்குமாா் உள்ளிட்டோா் உடனிருந்தனா்.
நாட்டறம்பள்ளியில் விழிப்புணா்வுப் பேரணி...
நாட்டறம்பள்ளியை அடுத்த புதுப்பேட்டை கிராமத்தில் வாக்காளா் பட்டியல் சிறப்பு சுருக்க, திருத்த முகாம் குறித்த இரு சக்கர வாகன விழிப்புணா்வுப் பேரணி நடைபெற்றது. இதனை சாா்-ஆட்சியா் வந்தனா கா்க் கொடியசைத்துத் தொடக்கி வைத்தாா்.
முன்னதாக தோ்தலில் 18 வயது பூா்த்தியடைந்தவா்கள் 100 சதவீத வாக்குகள் அளிக்க வலியுறுத்தி, கையெழுத்து இயக்கம், மனிதச் சங்கிலி நடைபெற்றது.
இதில் ஆதி திராவிடா், பழங்குடியினா் நல அலுவலா் பூங்கொடி, வட்டாட்சியா் சுமதி, தோ்தல் துணை வட்டாட்சியா் திருமலை உள்ளிட்டோா் கலந்து கொண்டனா்.
