சிறு விளையாட்டு அரங்க திட்டம்: திருப்பத்தூா் ஆட்சியா் ஆய்வு

திருப்பத்தூா் அருகே 6 ஏக்கா் பரப்பளவில் அமைக்கப்பட உள்ள சிறு விளையாட்டு அரங்கம் அமைக்கும் இடத்தில் ஆட்சியா் அமா் குஷ்வாஹா ஆய்வு மேற்கொண்டாா்.

திருப்பத்தூா் அடுத்த குனிச்சி ஊராட்சி தமிழ்நாடு நுகா்பொருள் வணிபக்கழகத்தின் வட்ட செயல்முறை கிடங்கில் பொங்கல் பண்டிகையை முன்னிட்டு குடும்ப அட்டைதாரா்களுக்கு வழங்கப்படவுள்ள பொங்கல் பரிசு தொகுப்புகளை தயாா் செய்யும் பணிகள் மற்றும் பொருள்களின் தரம் குறித்து ஆட்சியா் அமா் குஷ்வாஹா ஆய்வு செய்தாா்.

திருப்பத்தூா் மாவட்டத்தில் உள்ள திருப்பத்தூா் வட்டத்தில் 215 நியாய விலைக்கடைகள் மூலமாக 1,28,320 குடும்ப அட்டைகளுக்கும்,நாட்டறம்பள்ளி வட்டத்தில் 89 நியாய விலைக்கடைகள் மூலமாக 49,205 குடும்ப அட்டைகளுக்கும்,வாணியம்பாடி வட்டத்தில் 100 நியாய விலைக்கடைகள் மூலமாக 73,770 குடும்ப அட்டைகளுக்கும்,ஆம்பூா் வட்டத்தில் 112 நியாய விலைக்கடைகள் மூலமாக 72,480 குடும்ப அட்டைகள் மொத்தம் 517 நியாய விலைக்கடைகள் மூலமாக 3 இலட்சத்து 23 ஆயிரத்து 729 குடும்ப அட்டைகளுக்கு வழங்கப்பட உள்ளன.

மேற்கண்ட 21 வகையான பொங்கல் பரிசுத் தொகுப்பில் உள்ள பொருட்களின் எடையளவு மற்றும் பொருள்களின் தரம் குறித்தும் ஆட்சியா் பாா்வையிட்டாா்.

சாா்-ஆட்சியா் (பொ) பானு, தமிழ்நாடு நுகா்பொருள் வாணிபக்கழகம் உதவி தர ஆய்வாளா் ரவிச்சந்திரன், வட்டாட்சியா் சிவபிரகாசம், துணை வட்டாட்சியா் ரேவதி, வருவாய் ஆய்வாளா்கள், கிராம நிா்வாக அலுவலா் பலா் கலந்து கொண்டனா்.

பின்னா் 6 ஏக்கா் பரப்பளவில் சிறு விளையாட்டு அரங்கம் அமைக்க உத்தேசிக்கப்பட்டுள்ள இடத்தினை மாவட்ட ஆட்சியா் பாா்வையிட்டு ஆய்வு செய்தாா்.