Enable Javscript for better performance
காப்பீடு நிறுவனம் நடத்தி பல லட்சம் மோசடி: எஸ்பி அலுவலகத்தில் புகாா்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் சென்னை திருப்பத்தூர்

    காப்பீடு நிறுவனம் நடத்தி பல லட்சம் மோசடி: எஸ்பி அலுவலகத்தில் புகாா்

    By DIN  |   Published On : 31st December 2021 08:16 AM  |   Last Updated : 31st December 2021 08:16 AM  |  அ+அ அ-  |  

    30decspoff_3012chn_192_1

    எஸ்பி அலுவலகத்தில் புகாா் அளித்த மக்கள்.

    காப்பீடு நிறுவனம் நடத்தி பல லட்சம் மோசடி செய்ததாக அதன் உரிமையாளா் மீது பந்தாரபள்ளி, வீரமுடிஸ்பள்ளி கிராம பொதுமக்கள் திருப்பத்தூா் மாவட்ட எஸ்பி அலுவலகத்தில் புகாா் அளித்தனா்.

    அவா்கள் அளித்த புகாா் மனுவில் கூறியிருப்பதாவது:

    திருப்பத்தூா் நகரம், கஸ்துாரிபாய் தெருவை சோ்ந்தவா் பிரகாஷ் இஸ்மாயில்பேட்டையில் காப்பீடு நிறுவனம் நடத்தி வந்தாா்.

    இந்நிலையில், பிரகாஷ் சில ஆண்டுகளுக்கு முன் எங்கள் கிராமத்தில் உள்ள மக்களிடம் தங்கள் நிறுவனத்தில் 5 ஆண்டுகளுக்கு காப்பீடு செலுத்தினால் அதன் பிறகு நீங்கள் செலுத்திய பணத்துடன் வட்டியுடன் கூடிய தொகை வழங்கப்படும். இதற்கிடையே விபத்தில் இறந்தாலோ அல்லது விபத்தில் படுகாயமடைந்தால் உரிய இழப்பீடு வழங்கப்படும். அதற்காக மாதம்தோறும் அதிகபட்சமாக ரூ.5,000 வரை செலுத்தலாம். மேலும்,இடையில் பணம் தேவைப்பட்டால் உடனே திரும்ப பெற்றுக் கொள்ளலாம் என கவா்ச்சிகரமான திட்டத்தைக் கூறினாா்.

    அதனை உண்மை என நம்பிய நாங்கள் 18 போ் மூன்று ஆண்டுகளில் சுமாா் ரூ. 6 லட்சம் வரை காப்பீடு தொகை செலுத்தி வந்தோம். அதன்பின் நாங்கள் செலுத்திய பணத்தை திரும்ப கேட்டதற்கு பணத்தை தராமல் கடந்த 2 ஆண்டுகளாக காலம் கடத்தி வருகிறாா்.அந்த நிறுவனத்திற்கு சென்று கேட்டால் தகாத வாா்த்தைகளால் திட்டி விரட்டுகின்றனா். எனவே இம்மோசடி தொடா்பாக உரிய நடவடிக்கை எடுக்க வேண்டும் என அதில் தெரிவிக்கப்பட்டிருந்தது.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp