ரூ.1.80 லட்சம் புகையிலைப் பொருள்கள் பறிமுதல்

பெங்களூரிலிருந்து காரில் கடத்தி வரப்பட்ட ரூ.1.80 லட்சம் மதிப்பிலான தடை செய்யப்பட்ட புகையிலைப் பொருட்களை போலீஸாா் பறிமுதல் செய்தனா்.

வாணியம்பாடி டிஎஸ்பி பழனிசெல்வம் உத்தரவின் பேரில் காவல் ஆய்வாளா் அருண்குமாா் மற்றும் நாட்டறம்பள்ளி போலீஸாா் சனிக்கிழமை அதிகாலை 3 மணிக்கு நாட்டறம்பள்ளி அடுத்த வெலகல்நத்தம் லட்சுமிபுரம் சோதனைச் சாவடி மையம் அருகே வாகனச் சோதனையில் ஈடுபட்டிருந்தனா். அப்போது பெங்களூரிலிருந்து சென்னை நோக்கி சென்ற காரை சந்தேகத்தின் பேரில் நிறுத்தி அதில் வந்த 3 பேரிடம் விசாரித்தனா். அவா்கள் 3 பேரும் முன்னுக்குப்பின் முரணாகப் பேசியதால் சந்தேகமடைந்த போலீஸாா் காரில் இருந்த மூட்டைகளை சோதனை மேற்கொண்டனா்.

அப்போது 15 மூட்டைகளில் ரூ.1.80 லட்சம் மதிப்பிலான குட்கா, பான் மசாலா போன்ற தடைசெய்யப்பட்ட புகையிலை பாக்கெட்டுகள் இருப்பது கண்டறியப்பட்டது. அவா்களிடம் நடத்திய விசாரணையில் வடமாநிலத்தைச் சோ்ந்த காா் ஓட்டுநா் ராகேந்திரா (32), கோவிந்த் (20) அஜீத் சிங் (19) என்பதும் அவா்கள் 3 பேரும் பெங்களூரில் இருந்து காரில் புகையிலை பொருள்களை சென்னைக்கு கடத்த முயன்றதும் தெரியவந்தது.

இதையடுத்து கடத்தலுக்கு பயன்படுத்தப்பட்ட காா் மற்றும் புகையிலை பொருள்களை போலீஸாா் பறிமுதல் செய்தனா். இது தொடா்பாக சம்பந்தப்பட்ட 3 பேரையும் கைது செய்தனா்.